दिल्ली, 11 मे : माझ्या वडिलांनी माझ्या शिक्षणासाठी पैसे न देता स्वतःला निवडणुकीचं तिकीट मिळावं म्हणून दिले. त्यांनी लोकसभेची उमेदवारी 6 कोटींना विकत घेतली, असा आरोप दिल्लीच्या आम आदमी पक्षाच्या उमेदवारानेच केला आहे. आम आदमी पक्षाचे पश्चिम दिल्लीचे उमेदवार बलवीर जाखड यांचा मुलगा उदय जाखड यांनी पक्षाविरोधात खळबळजनक आरोप केला आहे. त्यांनी दिल्लीचे मुख्यमंत्री अरविंद केजरीवाल यांचं नाव घेत आरोप केल्याने खळबळ उडाली आहे.
तिकीट मिळावं यासाठी माझ्या वडिलांकडून आम आदमी पक्षाने 6 कोटी रुपये घेतले. माझ्या शिक्षणासाठी पैसे द्यायला वडिलांनी नकार दिला आणि त्या बदल्यात 6 कोटी रुपये केजरीवालांना देऊन तिकीट विकत घेतलं, असं उदय जाखड यांनी पत्रकार परिषदेत सांगितलं.
आपल्या पित्याविरोधातच प्रचार करणाऱ्या उदय यांनी जी व्यक्ती आपल्या घरातल्या समस्या दूर करू शकत नाही अशा व्यक्तीला मत देताना विचार करा, असंही सांगितलं.
#WATCH Aam Aadmi Party's West Delhi candidate, Balbir Singh Jakhar's son Uday Jakhar: My father joined politics about 3 months ago, he had paid Arvind Kejriwal Rs 6 crore for a ticket, I have credible evidence that he had paid for this ticket. pic.twitter.com/grlxoDEFVk
Loading...— ANI (@ANI) May 11, 2019
बलवीर जाखड यांना राजकारणाचा कोणताही अनुभव नाही. त्यांनी फक्त तीन महिन्यांपूर्वी राजकारणात प्रवेश केला आणि पैशाच्या जोरावर थेट लोकसभेचं तिकीट मिळवलं. अशा व्यक्तीला मत देताना दिल्लीकरांनी दहावेळा विचार करावा, असं उदय म्हणाले.
बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा
