रामदेवबाबांनी कृष्णकुंजवर जाऊन घेतली राज ठाकरेंची भेट

राजकारण आणि योग या विषयांवर चर्चा करण्यासाठी ही सदिच्छा भेट असल्याची माहिती राज ठाकरे यांच्या निकटवर्तियांनी दिली आहे.

Samruddha Bhambure | News18 Lokmat | Updated On: May 17, 2017 12:17 PM IST

रामदेवबाबांनी कृष्णकुंजवर जाऊन घेतली राज ठाकरेंची भेट

17 मे : योगगुरू बाबा रामदेव यांनी मनसे प्रमुख राज ठाकरे यांची भेट घेतली आहे. कृष्णकुंज या राज ठाकरे यांच्या निवासस्थानी जाऊन बाबा रामदेव यांनी ही घेतली आहे.

राजकारण आणि योग या विषयांवर चर्चा करण्यासाठी ही सदिच्छा भेट असल्याची माहिती राज ठाकरे यांच्या निकटवर्तियांनी दिली आहे. रामदेव बाबा आणि भाजपची जवळीक सर्वश्रूत आहे. त्यामुळे रामदेव बाबांना राज ठाकरेंना नेमकं आत्ताच का भेटावसं वाटलं, याबाबत अनेक तर्क वितर्क लढवले जात आहेत.

आज सकाळी पावणे नऊच्या सुमारास राज ठाकरे यांच्या कृष्णकुंज या निवासस्थानी बाबा रामदेव दाखल झाले. आणि त्यानंतर सुमारे अर्धा तास दोघांमध्ये चर्चा झाली.

दरम्यान, या भेटीमागे काही राजकीय कारण होते का? याची माहिती मात्र अजूनही मिळालेली नाही. मात्र, राजकीय वर्तुळात चर्चांना उधाण आलं आहे.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: May 17, 2017 12:15 PM IST
Loading...

ताज्या बातम्या

Loading...