BREAKING : ही 'श्रींची इच्छा! पाडव्यापासून मंदिरे उघडत आहोत, मुख्यमंत्र्यांकडून अखेर घोषणा

BREAKING : ही 'श्रींची इच्छा! पाडव्यापासून मंदिरे उघडत आहोत, मुख्यमंत्र्यांकडून अखेर घोषणा

'हा फक्त सरकारी आदेश नसून 'श्रीं ची इच्छा समजा! मंदिरात चपला बाहेर काढून प्रवेश करायचा असतो, पण तोंडावरील मास्क मात्र सक्तीचा आहे हे विसरू नका'

  • Share this:

मुंबई, 14 नोव्हेंबर : गेल्या सात महिन्यांपासून बंद असलेले मंदिरं (temples)अखेर उघडण्याचा निर्णय ठाकरे सरकारने घेतला आहे. पाडव्यापासून राज्यातील मंदिरांसह सर्वधर्मीयांची प्रार्थनास्थळे उघडण्यात येणार असल्याचे घोषणा मुख्यमंत्री उद्धव ठाकरे (Cm uddhav Thackery) यांनी केली आहे.

'दिवाळीचे मंगल पर्व सुरू झाले आहे. प्रथेप्रमाणे अभ्यंगस्नान आणि नरकासुर वधही झाला. नरकासुररूपी चिराटी फोडली असली तरी वर्षभर कोरोनारूपी नरकासुराने घातलेला धुमाकूळ विसरता येणार नाही. हा राक्षसही हळूहळू थंड पडत असला तरी बेसावध राहून चालणार नाही. राज्यातील जनतेने या काळात शिस्तीचे पालन केले. त्यामुळेच इतर राज्यांच्या तुलनेत महाराष्ट्राची स्थिती हाताबाहेर गेली नाही. महाराष्ट्रावर साधू-संतांची, देव -देवतांची नेहमीच कृपा राहिली आहे. तरीही शिस्त, सावधगिरी म्हणून होळी, गणेशोत्सव, नवरात्र, पंढरीची वारीही झाली नाही. इतकेच नाही तर इतर धर्मीयांनीही ईद, माऊंट मेरीसारख्या जत्रांसंदर्भात शिस्त पाळलीच' असं म्हणत मुख्यमंत्र्यांनी सर्वांचे आभार मानले.

भारतीयांना बहुतेक कोरोना लशीची गरज पडणार नाही? डॉक्टरांनी केला दावा

तसंच, 'लॉकडाउनच्या काळात सर्वच प्रार्थनास्थळे बंदी असली तरी डॉक्टर्स, परिचारिका, वॉर्ड बॉयच्या रूपाने 'देव' पांढऱ्या कपड्यांत भक्तांची काळजी वाहत होता. देव आपल्यातच होते, पण आता उद्याच्या पाडव्याच्या मुहूर्तावर मंदिरांसह सर्व प्रार्थनास्थळे उघडण्याचा निर्णय सरकारने घेतला आहे. मात्र नियम, शिस्तीचे काटेकोर पालन सगळ्यांना करावेच लागेल. मुख्य म्हणजे प्रत्यक्ष प्रार्थनागृहांतील गर्दी टाळा व स्वतःबरोबर इतरांचे रक्षण करा', असंही मुख्यमंत्री म्हणाले.

मोठी बातमी, विधान परिषद आमदारांच्या यादीतून काही नावं वगळणार?

'हा फक्त सरकारी आदेश नसून 'श्रीं ची इच्छा समजा! मंदिरात चपला बाहेर काढून प्रवेश करायचा असतो, पण तोंडावरील मास्क मात्र सक्तीचा आहे हे विसरू नका. मंदिरे उघडतील, इतर प्रार्थनास्थळे उघडतील. आपण शिस्त पाळली तरच देवांचे आशीर्वाद आपल्याला व महाराष्ट्राला मिळतील, असं आवाहनही मुख्यमंत्र्यांनी केलं.

Published by: sachin Salve
First published: November 14, 2020, 3:24 PM IST
Tags:

ताज्या बातम्या