S M L

दुरुस्तीसाठी वाशी खाडीवरील पूल उद्यापासून बंद

२३ जानेवारी ते १२ फेब्रुवारीदरम्यान हे दुरुस्तीचे काम चालणार असून या कालावधीत मुंबईहून पुण्याच्या दिशेने जाणाऱ्या मार्गावरील हलक्या वाहनांची वाहतूक जुन्या खाडी पुलावरून वळवण्यात येणार आहे.

Sonali Deshpande | Updated On: Jan 22, 2018 10:05 AM IST

दुरुस्तीसाठी वाशी खाडीवरील पूल उद्यापासून बंद

22 जानेवारी : मुंबई-पुण्याच्या वाहतुकीचा प्रमुख मार्ग असलेल्या सायन-पनवेल महामार्गावरील नव्या वाशी खाडी पुलाची एक मार्गिका मंगळवारपासून पुढील २० दिवस दुरुस्तीच्या कामासाठी बंद ठेवण्यात येणार आहे. २३ जानेवारी ते १२ फेब्रुवारीदरम्यान हे दुरुस्तीचे काम चालणार असून या कालावधीत मुंबईहून पुण्याच्या दिशेने जाणाऱ्या मार्गावरील हलक्या वाहनांची वाहतूक जुन्या खाडी पुलावरून वळवण्यात येणार आहे. तर अवजड वाहनाची वाहतूक एरोलीमार्गे ठाणे-बेलापूर मार्गावरून पुढे वळवण्यात येणार आहे.

सायन-पनवेल मार्गावरील नव्या वाशी खाडी पुलावर मुंबईहून पुणे तसेच गोव्याला ये-जा करणाऱ्या वाहनांचे प्रमाण अधिक आहे. त्यामुळे वाहतुकीचे प्रमाण जास्त असलेल्या या मार्गावरील वाशी खाडी पुलाच्या लोखंडी जॉइंडरची झीज झाली आहे. त्यामुळे सार्वजनिक बांधकाम विभागाने या पुलाच्या दुरुस्तीचे काम हाती घेतले आहे. या कामाला येत्या मंगळवारपासून सुरुवार होणार असून ते पुढील २० दिवसांत टप्प्याटप्प्याने पूर्ण केले जाणार आहे, अशी माहिती सार्वजनिक बांधकाम विभागातील अधिकाऱ्यांनी दिली.

वाशी खाडी पुलावरील वाशीहून मुंबईला जाणाऱ्या मार्गावर दुरुस्तीचे काम सुरू राहणार असल्यामुळे मुंबईला जाणारी वाहतूक उलट्या मार्गिकेवरून मुंबईला वळवली जाणार आहे. तसेच मुंबईहून नवी मुंबई व त्यापुढे जाणाऱ्या हलक्या वाहनांना जुन्या खाडी पुलाचा पर्याय उपलब्ध करून देण्यात आला आहे. मात्र जुन्या खाडी पुलावर अवजड वाहनांना बंदी असल्यामुळे मुंबईबाहेर जाणारी आवजड वाहतूक मानखुर्द येथून घाटकोपर लिंक रोडवरून ऐरोली-दिवा पुलावरून पटनी रोड व त्यापुढे ठाणे-बेलापूर मार्गावरून पुढे जाण्यासाठी पार्यायी मार्ग ठेवण्यात आला आहे.

>>

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jan 22, 2018 10:04 AM IST
Loading...

लोकप्रिय बातम्या

Live TV

News18 Lokmat
close