सुसाट बाईक चालक थेट टेम्पोला धडकला, विचित्र अपघात CCTVमध्ये कैद

विजय देसाई, वसई, 22 जानेवारी : वसई पश्चिमेकडील देव तलाव येथे एक विचित्र अपघात घडला आहे. टेम्पोच्या धडकेत दुचाकी स्वार थोडक्यात बचावला आहे. वसईच्या देव तलाव येथील स्वागत सर्व्हीस सेंटर जंक्शन येथे 20 जानेवारीला दुपारी 12:15 वाजता हा अपघात झाला.

अपघात झाला तेव्हा दुचाकी स्वार आणि टेम्पोचालक दोघेही भरधाव वेगात होते. टेम्पोच्या धडकेने दुचाकी स्वार काही अंतरावर दूर फेकला गेला. मात्र सुदैवाने या अपघातात दुचाकीस्वार हा बचावला आहे. हा सर्व प्रकार सीसीटीव्ही कॅमेऱ्यात कैद झाला आहे.

vasai tempo two wheeler accident cctv video mhas pic.twitter.com/oHJkSRtuN0

— Kranti Kanetkar (@Krantikanetkar2) January 22, 2020

दरम्यान, दुचाकीस्वार हा गण नाक्यावरुन उत्तन येथे जात होता. तर त्याचवेळी टेम्पोचालक मडीपासून देव तलाव येथे जात होता. अचानक आलेल्या मोटार सायकलस्वार थोडक्यात बचावला असून काळ आला होता पण वेळ आली नव्हती, असंच घडल्याचं बोललं जात आहे.