भाजप कार्यकर्त्यांना 'शिवप्रसाद' देणाऱ्या शिवसैनिकांची उद्धव ठाकरेंनी थोपटली पाठ

मुंबई, 17 जून: राम मंदिर बांधकामच्या संदर्भातील जागेत भ्रष्टाचार झाला असेल तर चौकशी करण्याचं शिवसेनेचे मुखपत्र असलेल्या सामनात (Saamana) म्हटलं होतं. शिवसेनेने (Shiv Sena) केलेल्या टीकेनंतर भारतीय जनता पक्षाच्या (BJP) कार्यकर्त्यांनी शिवसेना भवनासमोर आंदोलन करण्याचं ठरवलं. त्यानंतर शिवसेना भवनासमोर शिवसैनिक (Shivsainik) आणि भाजप कार्यकर्त्यांमध्ये जोरदार वाद झाला. हा वाद अगदी पोलीस स्टेशनपर्यंत पोहोचला. या घटनेनंतर आता शिवसेना पक्षप्रमुख उद्धव ठाकरे (Uddhav Thackeray) यांनी शिवसैनिक आणि पदाधिकाऱ्यांची भेट घेतली. शिवसेनेचे पक्षप्रमुख आणि राज्याचे मुख्यमंत्री उद्धव ठाकरे यांनी आज दादर, माहीम आणि वडाळा विभागातील सर्व शिवसैनिकांची, पदाधिकाऱ्यांची भेट घेतली. यावेळी उद्धव ठाकरेंनी शिवसैनिकांची पाठ थोपटली. शिवसेनेने आपल्या ट्विटर अकाऊंटवरुन याचे फोटोजही ट्विट्स केले आहेत. हे फोटो ट्विट करताना शिवसैनिक आणि शिवसेना पक्ष प्रमुख इतकाच उल्लेख करण्यात आला आहे.

शिवसैनिक आणि शिवसेना पक्षप्रमुख... pic.twitter.com/zmyDgBFOU0

— ShivSena - शिवसेना (@ShivSena) June 17, 2021

शिवसेना-भाजप वादानंतर बाळासाहेबांच्या भाषणाचा 'हा' VIDEO होतोय तुफान व्हायरल शिवसैनिकांच्या पाठीवर शाबासकीची थाप बुधवारी (16 जून 2021) शिवसेना भवनासमोर भाजपच्या कार्यकर्त्यांनी चोप दिल्यानंतर आज झालेली ही भेट वेगळेच संकेत देत आहेत. या भेटीने एकप्रकारे उद्धव ठाकरे यांनी शिवसैनिकांनी केलेल्या कृत्याचे समर्थन केल्याचं दिसून येत आहे. कुणी अंगावर आले तर शिंगावर घ्या या शिवसेनाप्रमुख बाळासाहेब ठाकरे यांच्या शिकवणी प्रमाणे शिवसैनिकांनी कृती केल्याने उद्धव ठाकरे यांनीही शिवसैनिकांच्या पाठीवर शाबासकीची थाप मारली आहे. 'कारण नसताना अंगावर याल तर शिंगावर घेणार' - किशोरी पेडणेकर मुंबईच्या महापौर किशोरी पेडणेकर यांनी प्रतिक्रिया दिली आहे. महापौर किशोरी पेडणेकर यांनी म्हटलं, "मला खरंच माहिती नाहीये नेमकं काय झालं आहे? शिवसेना भवन हे आमचं श्रद्धास्थान आहे आणि त्या ठिकाणी डिवचण्याचा कुणी प्रयत्न करणार असतील तर त्या पद्धतीने शिवसैनिक प्रत्युत्तर देणार आणि त्याचा हा भाग असेल. सत्तेत आहोत नक्कीच याची जबाबदारी आहे. पण उगाचच काही करणार असेल, कारण नसताना अंगावर याल तर शिंगावर घेणार असंही महापौर किशोरी पेडणेकर यांनी म्हटलं आहे.