मराठी बातम्या /बातम्या /मुंबई /

Maharashtra unlock :...तर राज्यात पुन्हा लॉकडाऊन लागेल, मुख्यमंत्र्यांनी सांगितली महत्त्वाची अट!

Maharashtra unlock :...तर राज्यात पुन्हा लॉकडाऊन लागेल, मुख्यमंत्र्यांनी सांगितली महत्त्वाची अट!

 वाशिम येथे स्व. बाळासाहेब ठाकरे बहुउद्देशीय कृषी संकुलाच्या इमारतीचा ऑनलाइन ई-भूमीपूजन सोहळा आज मुख्यमंत्री उद्धव ठाकरे यांच्या हस्ते पार पडला

वाशिम येथे स्व. बाळासाहेब ठाकरे बहुउद्देशीय कृषी संकुलाच्या इमारतीचा ऑनलाइन ई-भूमीपूजन सोहळा आज मुख्यमंत्री उद्धव ठाकरे यांच्या हस्ते पार पडला

'मी परत सांगतो, निर्बंध लावण्यात आम्हाला आनंद नाही. कोविडचा डेल्टा अवतार आपल्या आजूबाजूच्या देशांमध्ये अमेरिका, ब्रिटनमध्ये सुद्धा परत मोठ्या प्रमाणावर पसरतो आहे.

  • Published by:  sachin Salve

मुंबई, 11 ऑगस्ट : राज्यात कोरोनाची परिस्थिती आटोक्यात आल्यामुळे ब्रेक द चेन म्हणत राज्य सरकारने आणखी नियम शिथिल केले आहे.

निर्बंधात शिथिलता  (Maharashtra unlock August 15) असली तरी जबाबदारी मात्र वाढली आहे. मास्क (mask), सुरक्षित अंतर (social destination), हात धुणे ही त्रिसूत्री पाळणे आवश्यक आहे. यापुढे राज्यातील  कोविड रुग्णांसाठी दररोज 700 मेट्रिक टन ऑक्सिजन लागू लागला की राज्यात लॉकडाऊन लावला जाईल' असा इशारा  मुख्यमंत्री उद्धव ठाकरे (cm uddhav thackery) यांनी दिला.

राज्य सरकारने कोविड नियमावली (break the chain revised guidelines) जाहीर केली आहे. कोविड रुग्णांची संख्या घटली असली तरी मागील अनुभव लक्षात घेऊन आपण सगळ्यांनी अतिशय काळजी घेऊन वागायचे आहे. स्वतः आरोग्याचे नियम पाळताना आपल्यामुळे इतरांनाही आरोग्याचा कुठला धोका निर्माण होणार नाही हे पाहायचे आहे, असं आवाहन मुख्यमंत्र्यांनी केलं.

'आपण निर्बंध शिथिल केले असेल आणि तिसरी लाट येणार की येणार नाही याचे अंदाज करीत असलो तरी या विषाणूच्या बदलत्या अवतारापासून आपण सावध राहिलेच पाहिजे. दुसऱ्या लाटेच्या वेळी ऑक्सिजनच्या तुटवड्यामुळे केवळ आपल्याच नव्हे तर देशासमोर कसे आव्हान उभे ठाकले आहे ते अजून ताजे आहे आणि म्हणूनच यावेळी आम्ही राज्यातील निर्बंध किंवा लॉकडाऊन लावताना ऑक्सिजनची लागणारी गरज हा निकष ठेवला आहे, 'यापुढे राज्यातील  कोविड रुग्णांसाठी दररोज ७०० मेट्रिक टन ऑक्सिजन लागू लागला की राज्यात लॉकडाऊन लावला जाईल' असं मुख्यमंत्री उद्धव ठाकरेंनी स्पष्ट केलं.

राज्यापुढे Delta Plus चे संकट वाढले, मुंबईत 20 रुग्ण आढळले; राज्यात 65 रुग्ण

'राज्याची ऑक्सिजन उत्पादन क्षमता मर्यादित असून दररोज केवळ १३०० मेट्रिक टन ऑक्सिजन उत्पादन केले जाते. दुसऱ्या लाटेत रुग्णांची संख्या मोठ्या प्रमाणावर वाढली तसेच ऑक्सिजनची गरजही खूप वाढली होती, त्यामुळे सुमारे ५०० मेट्रिक टन ऑक्सिजन अतिशय प्रयत्नपूर्वक इतर राज्यांतून आणावा लागला होता. दररोज ७०० मेट्रिक टन ऑक्सिजनची कोविड रुग्णांसाठी आवश्यकता भासू लागली की ( सुमारे ३० हजार रुग्णांसाठी) राज्यात निर्बंध लावण्याचा निर्णय घेतला जाईल' असंही मुख्यमंत्र्यांनी स्पष्टपणे सांगितलं.

'गेल्या पावणे दोन वर्षांत कोविडने खूप काही शिकवले आहे. ही लढाई आपण एकत्र मिळून लढतो आहोत, आणि मला खात्री आहे शासनाने दिलेल्या सूचना या सर्वांच्या भल्यासाठीच आहेत हे लक्षात घेऊन आपण सहकार्य कराल' अशी अपेक्षाही मुख्यमंत्र्यांनी व्यक्त केली.

'होय! कोरोनाचा पूर्णपणे खात्मा होऊ शकतो', शास्त्रज्ञांनी सांगितले 17 मार्ग

'मी परत सांगतो, निर्बंध लावण्यात आम्हाला आनंद नाही. कोविडचा डेल्टा अवतार आपल्या आजूबाजूच्या देशांमध्ये अमेरिका, ब्रिटनमध्ये सुद्धा परत मोठ्या प्रमाणावर पसरतो आहे.  अशा परिस्थितीत आपल्यालाही सगळ्या बाबतीत अतिशय काळजीपूर्वक व्यवहार खुले करावे लागत आहेत. परवा आपण मर्यादित प्रमाणात का होईना पण लोकल प्रवासास मान्यता दिली. आज देखील आपण हॉटेल उपहारगृह, दुकाने यांच्या बाबतीत निर्णय घेतले आहेत. इतरही काही क्षेत्रांमधून निर्बंध शिथिल करण्याची मागणी होती आहे, आपण यावर देखील संपूर्ण काळजी घेऊन निर्णय घेऊ', असं आश्वासनही मुख्यमंत्र्यांनी दिलं.

First published: