Home /News /mumbai /

सचिन वाझे पुन्हा एकदा CSMT स्थानकात! 'त्या' रात्री घडलेला प्रकार केला रिक्रिएट

सचिन वाझे पुन्हा एकदा CSMT स्थानकात! 'त्या' रात्री घडलेला प्रकार केला रिक्रिएट

सोमवारी रात्री उशिरा NIA चं पथकाने सचिन वाझे यांना छत्रपती शिवाजी महाराज टर्मिनसवर नेलं होतं. याठिकाणी FSL ची टीम देखील होती.

    मुंबई, 06 एप्रिल: निलंबित पोलीस अधिकारी सचिन वाझे (Sachin Waze) यांची सर्वतोपरी चौकशी केली जात आहे. विविध अँगलने मनसुख हिरेन मृत्यू प्रकरणाचा (Mansukh Hiren Death Case) तपास केला जात आहे आणि त्याकरता सचिन वाझे यांना प्रत्येक स्पॉटवर नेण्यात येत आहे. सोमवारी रात्री उशिरा NIA चं पथकाने सचिन वाझे यांना छत्रपती शिवाजी महाराज टर्मिनसवर नेलं होतं. याठिकाणी FSL ची टीम देखील होती. त्यानंतर रात्री उशिरा एनआयएची टीम वाझेंना कळवा याठिकाणी देखील घेऊन गेल्याची माहिती मिळते आहे. याठिकाणी आरोप सचिन वाझेसह इतरही आरोपी होती. छत्रपती शिवाजी महाराज टर्मिनसवर सचिन वाझेंना चार ते पाच वेळा एकाच ठिकाणी चालवण्यात आलं. रेल्वे स्टेशनवरील सीसीटीव्हीमध्ये दिसणाऱ्या व्यक्तीची चाल ओळखण्यासाठी सचिन वाझेंना त्याच जागी आणण्यात आलं आणि चालण्यास सांगितलं. NIA च्या गाड्या थेट वाझेंना घेऊन सीएसएमटी स्थानकातील प्लॅटफॉर्मवर पोहोचल्या. त्यावेळी लोकलच्या बाजूने वाझेना चालवलण्यात आले, त्यांना काही प्रश्न विचारण्यात आल्याचेही व्हिडीओतून समजत आहे. (हे वाचा-पवारांचे स्वीय सहाय्यक ते राज्याचे गृहमंत्री; वळसे पाटलांचा प्रवास) मुंबईत गाडीमध्ये आढळलेली स्फोटकं आणि मनसुख हिरेन मृत्यू प्रकरणात सचिन वाझेंना अटक करण्यात आली होती. याच प्रकरणाच्या तपासासाठी त्यांनी सीएसएमटी स्थानकात नेण्यात आले होते. यावेळी एनआयए टीमसोबत पुणे याठिकाणच्या सेंट्रल फॉरेन्सिक सायन्स लॅबोरेटरीची टीमही हजर होती.
    Published by:Janhavi Bhatkar
    First published:

    पुढील बातम्या