देवेंद्र फडणवीस 'मावळते मुख्यमंत्री', शिवसेनेने भाजपवर सोडला टीकेचा 'बाण'

दिल्लीच्या गढूळ वातावरणातून मावळते मुख्यमंत्री महाराष्ट्रात उतरतील तेव्हा त्यांना पुढचे पाऊल टाकावेच लागेल...

News18 Lokmat | Updated On: Nov 5, 2019 11:02 AM IST

देवेंद्र फडणवीस 'मावळते मुख्यमंत्री', शिवसेनेने भाजपवर सोडला टीकेचा 'बाण'

मुंबई,5 नोव्हेंबर: राज्यात सत्ता स्थापनेवरून सुरू झालेल्या संघर्षामुळे शिवसेना-भाजपमधील तणाव दिवसेंदिवस वाढत आहे. त्यात शिवसेनेचे मुखपत्र 'सामना' अग्रलेखातून पुन्हा एकदा भाजपवर टीकेची झोड उठवण्यात आली. 'मावळते मुख्यमंत्री' असा देवेंद्र फडणवीस यांचा उल्लेख करत शिवसेनेने भाजपवर टीकेचा 'बाण' सोडला आहे.

काय आहे अग्रलेखात?

मुख्यमंत्र्यांच्या दिल्ली दौऱ्याचा संदर्भ घेत दिल्ली गढूळ, महाराष्ट्र स्वच्छ, पुढचे पाऊल कधी? असा सवाल करण्यात आला आहे. महाराष्ट्रात लवकरात लवकर नवे सरकार स्थापन होणे हे देशाच्या दृष्टीने महत्त्वाचे आहे, तितकेच ते राज्याच्या मऱ्हाटी जनतेसाठी महत्त्वाचे आहे. पण सत्तास्थापनेचा घोळ घालायचा आणि त्या परिस्थितीचा लाभ घेऊन सरकार नसतानाही अप्रत्यक्ष सूत्रे हातात ठेऊन राज्यकारभार हाकायचा हे घटनाविरोधी आहे असं म्हणत भाजपवर टीका केली आहे. नवे राज्य मोकळ्या वातावरणात यावे, पण एकदाचे राज्य यावे हीच अपेक्षा आहे. महाराष्ट्राच्या जनतेने 'कौल' दिला आहे. दिल्लीच्या गढूळ वातावरणातून मावळते मुख्यमंत्री महाराष्ट्रात उतरतील तेव्हा त्यांना पुढचे पाऊल टाकावेच लागेल, असे म्हणताना फडणवीसांचा उल्लेख 'मावळते मुख्यमंत्री' करण्यात आला आहे.

राजकीय 'ग्रहण' लवकरच निवळणार...राजकारनाचा चेहरा बदलला पाहिजे.

राज्यात सुरू असलेला सत्ता संघर्ष हा गोंधळ नसून ही न्याय आणि सत्याची लढाई आहे. महाराष्ट्रातील राजकीय 'ग्रहण' लवकरच निवळणार असून महाराष्ट्राचा निर्णय हा महाराष्ट्रातच होईल. शिवसेनेचाच मुख्यमंत्री होईल, महाराष्ट्राच्या जनतेच्या मनाप्रमाणेच निर्णय होईल, असा पुनरच्चार शिवसेनेचे खासदार संजय राऊत यांनी केला आहे. संजय राऊत यांनी मंगळवारी सकाळी पत्रकारांशी संवाद साधताना सांगितले की, राज्यात लवकरच सत्ता स्थापन होईल. संजय राऊत यांनी शिवसेना-भाजपमधील सत्तास्थापनेच्या तणावामध्ये शिवसेनेची बाजू आक्रमकपणे लावून धरली आहे. शिवसेनेचे संख्याबळ दिवसेंदिवस वाढत आहे. यापार्श्वभूमिवरच शिवसेना पक्षप्रमुखांनी स्वत: आम्हाला राज्यापालांकडे पाठवले होते. राज्यातील सद्य राजकीय परिस्थिती, काय घडतंय पडद्यावरचं आणि पडद्यामागचं हे राज्यपालांना सांगणे शिवसेनेचे कर्तव्यच असल्याचे राऊत यांनी यावेळी सांगितले. महाराष्ट्राच्या राजकारणाचा चेहरा बदलला पाहिजे, असे सांगत राऊत यांनी मुख्यमंत्री देवेंद्र फडणवीस यांच्यावर अप्रत्यक्ष निशाणा साधला.

Loading...

पक्षप्रमुखांना खोटं ठरवलं जात आहे..

भाजपकडून दिलेला शब्द पाळला जात नाही, त्यावर प्रथम बोलावे. शिवसेना पक्षप्रमुखांना खोटे ठरवले जात आहे. मी पक्षाचा प्रतिनिधी म्हणून बोलत आहे. जे ठरलं होतं यावर कोणी बोलत नाही. कोणीही टीका करु दे, जनतेला सर्व माहीत आहे. सत्ता सगळ्यांना हवी आहे. सर्व पक्षाचे नेते प्रयत्न करत आहेत. अपक्षांची भूमिका आता महत्वाची असल्याचे संजय राऊत यांनी सांगितले.

शरद पवारांशी संवाद साधणे, हा अपराध आहे का?

शरद पवारांसोबत आता काही बोलणं झालं नाही. पण जर बोललो तर हा अपराध आहे का? असा सवालही राऊत यांनी यावेळी उपस्थित केला. महाराष्ट्रामध्ये स्थिर सरकार यावे हे पवारांना आणि काँग्रेसच्या नेत्यांना वाटते आहे. शिवसेना पक्षप्रमुख उद्धव ठाकरे यांना सुद्धा स्थिर सरकार हवे आहे. दिल्लीत काय झाले ते माहीत नाही, असे संजय राऊत यांनी सांगितले. जे कोणी पवारसाहेबांसोबत बोलत आहेत, हे आम्हाला माहीत आहे. फक्त आम्ही बोललो की दिसते, असेही संजय राऊत यांनी टोला लगावला.

'शिवसेना पक्षप्रमुखांना खोटं ठरवलं जातंय', संजय राऊत यांचा भाजपवर घणाघात

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Nov 5, 2019 11:02 AM IST
Loading...

ताज्या बातम्या

Loading...