Home /News /mumbai /

Sachin Vaze : 'ती' पांढऱ्या रंगाची इनोव्हा पोलीस आयुक्तालयातच होती, EXCLUSIVE VIDEO

Sachin Vaze : 'ती' पांढऱ्या रंगाची इनोव्हा पोलीस आयुक्तालयातच होती, EXCLUSIVE VIDEO

मुंबई पोलीस आयुक्तालयाच्या आऊट गेटने बाहेर जाताना पांढऱ्या रंगाची इनोव्हा गाडी सीसीटीव्ही कॅमेऱ्यात कैद झाली आहे.

मुंबई, 15 मार्च : मुंबईत स्फोटकांनी सापडलेल्या गाडी प्रकरणी पोलीस अधिकारी सचिन वाझे (Sachin Vaze) हे राष्ट्रीय तपास यंत्रणा अर्थात एनआयएच्या (NIA) कोठडीत आहे. आता या प्रकरणाची धक्कादायक माहिती समोर आली आहे. जी इनोव्हा गाडी ((Innova car) बेपत्ता होती ती मुंबई पोलीस आयुक्तालयातच  (Mumbai Police Commissioner office) उभी होती, अशी माहिती न्यूज 18 लोकमतच्या (NEWS18 Lokmat) हाती लागली आहे. 25 फेब्रुवारी रोजी कार मायकल रोडवर जिलेटिन स्फोटकांनी भरलेली स्कॉर्पिओ गाडी आढळून आली होती. त्याच वेळी या गाडीतील चालकाला काही वेळाने एका पांढऱ्या रंगाच्या इनोव्हा गाडीतून नेण्यात आले होते. सचिन वाझे यांना अटक करण्यात आले असे ते कारण म्हणजे पांढऱ्या रंगाची हीच ती इनोव्हा गाडी.  ही गाडी मुंबई पोलिसांची असल्याची माहिती समोर आली होती. पण आता ही इनोव्हा गाडी मुंबई पोलीस आयुक्तालयातच होती, याचे धक्कादायक सीसीटीव्ही फुटेज न्यूज 18 लोकमतच्या हाती लागले आहे. मुंबई पोलीस आयुक्तालयाच्या आऊट गेटने बाहेर जाताना पांढऱ्या रंगाची इनोव्हा गाडी सीसीटीव्ही कॅमेऱ्यात कैद झाली आहे. ही गाडी सचिन वाझे यांच्या सांगण्यावरून मुंबई पोलीस आयुक्तालयात ठेवण्यात आली होती.  सचिन वाझे यांचे CIU तील सहकारी ही गाडी वापरत होते. धक्कादायक म्हणजे, त्यांचे सहकारी ही गाडी नंबर प्लेट बदलून वापरत होते. शरद पवार झाले अलर्ट, राष्ट्रवादीच्या शिलेदारांची बोलावली बैठक विशेष म्हणजे, मुंबई पोलीस आयुक्तालयात माणसांनाही पूर्ण विचारपूस करुन सोडलं जातं आणि अनोळखी गाडी तर सोडली जातच नाही. शिवाय अधिकाऱ्यांच्या गाड्या या देखील सोडल्या जात नाहीत. जोपर्यंत गाड्यांचे नंबर आधीच आयुक्तालयातील गेटवर दिले गेले जात नाही तोपर्यंत कोणत्याही गाडीला सोडले जात नसते. सचिन वाझे यांच्या मागे मुंबई पोलीस आयुक्तालयातील मोठ्या अधिकाऱ्याचा हात असल्याचा संशय व्यक्त केला जात आहे. त्यामुळे या प्रकरणात आणखी धक्कादायक माहिती समोर येण्याची शक्यता आहे. शनिवारी रात्री घेतली कार ताब्यात NIA ने ताब्यात घेतलेली पांढऱ्या रंगाची इनोव्हा कारही शनिवारी रात्री मुंबई पोलीस आयुक्तालयाच्या (Mumbai Police Commissioner office) जवळून ताब्यात घेण्यात आली होती. ही कार गेल्या अनेक दिवसांपासून याच परिसरातच उभी होती. या कारच्या मागे मुंबई पोलीस असं लिहिलं आहे. त्यामुळे या कार मागे पोलीस कनेक्शन बोलले जात होते. आता या प्रकरणी आणखी काही पोलिसांची चौकशी होण्याची शक्यता आहे.
Published by:sachin Salve
First published:

Tags: Career, Cctv footage, Mumbai, मुंबई पोलीस

पुढील बातम्या