VIDEO: मुंबईत धावत्या ट्रेनमधून उतरताना तोल गेला; देवमाणूस आला मदतीला धावून, रेल्वेमंत्र्यांनीही केलं कौतुक

मुंबई, 24 जून: धावत्या ट्रेनमधून उतरु नका आणि चढण्याचा प्रयत्नही करु नका असे वारंवार सांगण्यात येते. मात्र, असे असतानाही अनेक प्रवासी ही चूक वारंवार करत असल्याचं समोर येत आहे. आता असाच एक प्रकार मुंबईतील दादर रेल्वे स्थानकात (Dadar Railway Station) घडला आहे. केवळ दैव बलवत्तर म्हणून या प्रवाशाचे प्राण वाचले आहेत. ही संपूर्ण घटना रेल्वे स्थानकातील सीसीटीव्ही कॅमेऱ्यात कैद (Incident caught in CCTV) झाली आहे. ही घटना 24 जून 2021 रोजीची आहे. गाडी क्रमांक 02194 ही उत्तरप्रदेश महानगरी एक्सप्रेस सकाळी 11.08 वाजण्याच्या सुमारास दादरच्या प्लॅटफॉर्म क्रमांक 6वर आली. त्यानंतर आपल्या वेळेनुसार ट्रेनने स्टेशन सोडण्यास सुरुवात केली. ही ट्रेन सुरू होताच एक वृद्ध प्रवासी ट्रेनमधून खाली कोसळला.

सेवा और सुरक्षा को प्रतिबद्ध RPF: दादर, मुंबई में चलती ट्रेन से पैर फिसलने के कारण एक बुजुर्ग को RPF कर्मचारी ने अपनी सतर्कता से ट्रेन की चपेट में आने से बचाया।

मुझे RPF के कर्मचारियों पर गर्व है जिनके त्वरित एक्शन ने एक अमूल्य जीवन को बचाया। pic.twitter.com/NQszTZds1R — Piyush Goyal (@PiyushGoyal) June 24, 2021

नागपूर हत्या-आत्महत्या प्रकरणात धक्कादायक माहिती उघड; आलोक YouTube वर पहायचा 'ते' VIDEO हा वृद्ध प्रवासी ट्रेनमधून खाली कोसळला आणि ट्रेनखाली जाणार इतक्यात रेल्वे स्थानकावर कार्यरत असलेल्या आरपीएफ जवान उमेश माळी यांनी त्यांच्या दिशेने धाव घेतली. उमेश माळी यांनी तात्काळ वृद्ध प्रवासी विजय पटेल यांना ट्रेनपासून दूर खेचले. यामुळे विजय पटेल या प्रवाशाचे प्राण वाचले. ही संपूर्ण घटना सीसीटीव्ही कॅमेऱ्यात कैद झाली आहे. हा व्हिडीओ रेल्वेमंत्री पियूष गोयल यांनीही आपल्या ट्विटरवर ट्विट केला आहे. हा फोटो ट्विट करत रेल्वेमंत्र्यांनी आरपीएफ जवानाच्या कार्याचे कौतुक केले आहे. रेल्वेमंत्र्यांनी म्हटलं, मला आरपीएफ कर्मचाऱ्यावर गर्व आहे ज्याने तात्काळ धाव घेत प्रवाशाचे प्राण वाचवले.