• Home
  • »
  • News
  • »
  • mumbai
  • »
  • शिवतीर्थावर होणार आज 'राज'गर्जना

शिवतीर्थावर होणार आज 'राज'गर्जना

मनसे अध्यक्ष राज ठाकरें यांची आज संध्याकाळी मुंबईतल्या शिवाजी पार्कवर जाहीर सभा आहे.

  • Share this:
18 मार्च : महाराष्ट्र नवनिर्माण सेनेचे अध्यक्ष राज ठाकरे यांची आज मुंबईतील शिवतीर्थावर जाहीर सभा आहे. संध्याकाळी पाच वाजता सभा सुरु होणार आहे. पक्षातील मरगळ झटकून कार्यकर्त्यांसमोर नवे काही संकल्प आणि कार्यक्रम राज ठाकरे ठेवतात का, पक्षाची पुढील वाटचाल, भूमिका काही जाहीर करतात का, याच्याकडे राजकीय वर्तुळासह तमाम मराठीजनांचे लक्ष लागले आहे. राज ठाकरें यांची आज मुंबईतल्या शिवाजी पार्कवर जाहीर सभा आहे. मुंबईत ठिकठिकाणी याचे बॅनर्सही लागलेत. 2019ची निवडणूक आता जवळ आली आहे. शेतकऱ्यांचा महामोर्चा नुकताच मुंबईवर धडकला होता. तर संसदेत टीडीपी सोमवारी सरकारविरोधात अविश्वास ठराव मांडणार आहे. या सगळ्या पार्श्वभूमीवर राज ठाकरे आज काय बोलतात, राज्य आणि केंद्र सरकारबाबत काय भूमिका घेतात, याकडेच अवघ्या महाराष्ट्राचं लक्ष लागलं आहे. दरम्यान, राज ठाकरे यांनी मुंबईतील पेडर रोड येथे शरद पवारांच्या निवासस्थानी जाऊन भेट घेतली होती. राज ठाकरेंनी पवारांची भेट घेऊन चर्चा केली. पण या भेटीमागचं कारण अजूनही अस्पष्ट आहे. मात्र या भेटीनं राजकीय चर्चांना उधाण आलं आहे. काही दिवसांपूर्वीच राज ठाकरे यांनी शरद पवार यांची प्रकट मुलाखतही घेतली होती. त्यामुळे आज राज ठाकरे काय तोफ धडाडणार याकडे सगळ्यांचं लक्ष लागलं आहे.  
First published: