Home /News /mumbai /

'माझ्या महाराष्ट्र सैनिकांनो...', असं सांगत राज ठाकरे यांनी केलं आवाहन

'माझ्या महाराष्ट्र सैनिकांनो...', असं सांगत राज ठाकरे यांनी केलं आवाहन

    मुंबई,19 मार्च: मुंबई, पुण्यासह राज्यात कोरोना व्हायरसची लागण झालेल्या रुग्णांची संख्या आता 49 झाली आहे, तर देशात 170 हून अधिक रुग्ण आहेत. कोरोनाचा वाढता संसर्ग रोखण्यासाठी वेगवेगळ्या उपाययोजना सरकारकडून राबवण्यात येत आहेत. कोरोना व्हायरसमुळे देशासह महाराष्ट्रातील जनजीवनावर परिणाम झाला आहे. जनतेने खबरदारी घेण्याची आवाहन मुख्यमंत्री उद्धव ठाकरे यांनी केलं आहे. दुसरीकडे, महाराष्ट्र नवनिर्माण सेना अध्यक्ष राज ठाकरे यांनी कोरोना व्हायरसच्या संकटाला कसं तोंड द्यायचं, याबाबत मार्गदर्शक सूनका केल्या आहेत. हेही वाचा..Corona Virus: युद्ध लढत आहोत.. घाबरु नका, घाबरून युद्ध जिंकलं जात नाही 'माझ्या महाराष्ट्र सैनिकांनो...' असं सांगत राज ठाकरे म्हणाले की, आत्तापर्यंत आपण कोरोनाला जास्त फैलावू न देण्यात यशस्वी झालो आहे. कोरोना एकमेकांच्या सहवासातून होतो. म्हणून आपण जर कमी वेळा एकमेकांच्या जवळ गेलो आणि हे सुमारे दोन आठवडे केलं तर हा रोग पसरणार नाही. -आपण ज्या भागात रहातो तिथे लोक गोंधळलेल्या अवस्थेत असू शकतात. तिथे त्यांना दिलासा द्यायला पाहिजे. तिथे माहितीची कमी असेल, साधन-सोयींची कमतरता असेल तर योग्य ते करावे. -आपल्या शाखा-शाखांमध्ये किंवा कार्यालयांमध्ये आपण एका वेळी गर्दी होणार नाही असे पहावे. ती थोडी नियंत्रित करून, काहींना वेग-वेगळ्या वेळा देऊन गर्दी आटोक्यात आणावी. आपल्यामध्ये तीन फुटांचे अंतर राखावे. -आपल्या भागात जर कुणी सर्दी, तापानं आजारी असेल तर त्यांना धीर देऊन तपासणी करून घ्यायला सांगावे. त्यासाठी कुठलीही जोर-जबरदस्ती करू नये. त्यांचं मन तयार करावं आणि त्यांना आपल्या भागातील आरोग्य खात्याच्या कर्मचारी वर्गाशी भेट घालून द्यावी. हेही वाचा...रेल्वेने रद्द केल्या 500 हून अधिक गाड्या, खोळंबा होणार नाही याची खात्री करूनच घराबाहेर पडा - आपल्या भागात असे कुणी रूग्ण आढळल्यास प्रशासनाच्या किंवा आरोग्य खात्याच्या योग्य व्यक्तिंशी संपर्क राखून त्यांच्या देखरेखीखाली त्यांचे उपचार करावेत. आपली भूमिका ही आरोग्य खात्याला सहकार्याचीच असावी. संघर्षाची नव्हे. -आपल्या भागात जीवनावश्यक गोष्टींचा तुटवडा असल्यास तशी माहिती योग्य यंत्रणेला द्यावी. दुकानांमध्ये माल आहे की नाही ते पहावे. कुणी काळाबाजार करत असेल तर त्याची माहिती शासनाला द्यावी आणि लक्ष ठेवावे. - ज्यांचं हातावर पोट आहे अशी माणसं आपल्या भागात असतील. ती कोण आहेत ती शोधून त्यांची खाण्याची सोय नसेल तर ती करण्याचा प्रयत्न करावा. आपल्या भागात काही जेष्ठ नागरिक, अपंग, इतर रूग्ण असतील तर त्यांना काही मदत लागल्यास ती देण्याचा प्रयत्न करावा. हेही वाचा.. -महिला सेनेनी घराघरात जाऊन महिलांच्या आरोग्यविषयक किंवा काही अडचणी असतील तर त्या ऐकाव्यात. महिला सर्वसाधारणपणे बोलत नाहीत. त्यांचं ऐकावं आणि योग्य ती मदत करावी, असं आवाहन राज ठाकरे यांनी मनसैनिकांना केलं आहे.
    Published by:Sandip Parolekar
    First published:

    Tags: MNS

    पुढील बातम्या