28 मार्च : विधान सभेत परत उंदरांचा मुद्दा आलाच. विरोधी पक्ष नेते राधाकृष्ण विखे पाटील म्हणाले, उंदरांची संख्या बघून वाघाची मांजर झालीय. ही मांजर उंदरांना पकडायला जाते पण त्यांना दुधाचं ताट दाखवलं की ती फक्त म्याव म्याव करते, असा सणसणीत टोला राधाकृष्ण विखे पाटलांनी शिवसेनेला हाणला आहे. 2019मध्ये हेच उंदीर तुमचं सिंहासन पोखरतील, असंही ते म्हणाले.
ते म्हणाले, कृषी विभागाच्या आहेत काही तूरडाळ कुरतडत आहेत. पुण्यातले उंदीर बेरकी, ते पकडायला गेले की ते पुणेरी पगडी खाली लपून बसतात. काही उंदीर कुपोषित मुलांचं धान्य खातायत, काही उंदीर मेक इन महाराष्ट्रची स्वप्न दाखवताय.
सरकारवर टीका करताना ते म्हणाले, सरकारी उंदीर पकडता येतात, पण अनेक खाजगी उंदीर कसे पकडणार? अनेक उंदीर रस्त्यांच्या खड्यात जाऊन बसले. उंदरांची संख्या बघून वाघाची मांजर झालीय. ही मांजर त्यांना उंदरांना पकडायला जाते पण त्यांना दुधाचं ताट दाखवली की ती फक्त म्याव म्याव करते.
बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा
