Home /News /mumbai /

आज मोदी राज्यात, उद्या ठाकरे अयोध्येत; राज्यसभेचा वचपा मुंबई महापालिकेत काढण्यासाठी सेनेचा प्लॅन?

आज मोदी राज्यात, उद्या ठाकरे अयोध्येत; राज्यसभेचा वचपा मुंबई महापालिकेत काढण्यासाठी सेनेचा प्लॅन?

देशाच्या आर्थिक राजधानीची महापालिका म्हणजेच देशातली सर्वांत श्रीमंत महापालिका (BMC Polls 2022) असा लौकिक असलेल्या बृहन्मुंबई महानगरपालिकेची निवडणूक यंदा होणार असून, तिच्या तारखा आता कधीही जाहीर होऊ शकतात.

    मुंबई, 14 जून : नुकत्याच झालेल्या राज्यसभा निवडणुकीत (Rajya Sabha Election) शिवसेनेविरोधात विजय मिळाल्याने भारतीय जनता पक्ष सध्या उत्साहात आहे. विधानसभेतले विरोधी पक्षनेते आणि माजी मुख्यमंत्री देवेंद्र फडणवीस (Devendra Fadnavis) यांनी सांगितलं, की हा विजय म्हणजे फक्त सुरुवात आहे. तसंच, पक्ष स्वबळावर विधानसभा आणि अन्य निवडणुका लढवणार असल्याचंही त्यांनी सांगितलं. येत्या काही दिवसात मुंबई महापालिकेची निवडणूक येऊ घातली आहे. अशावेळी पंतप्रधान मोदी आज (14 जून) महाराष्ट्राच्या (Modi in Maharashtra) दौऱ्यावर असून, शिवसेना नेते आणि मंत्री आदित्य ठाकरे यांचा उद्या (15 जून) अयोध्या दौरा आहे. याचा नेमका काय अर्थ आहे? मुंबई महापालिका अनेक वर्षं शिवसेनेच्या हातात आहे. सध्या शिवसेना (Shivsena) अन्य दोन पक्षांसह राज्याच्या सत्तेतही आहे. पावसाळ्यात मुंबईतल्या रस्त्यांची होणारी (Roads in Mumbai) दुर्दशा, पाणी तुंबणं, (Flood) पूर येणं, सांडपाण्याची घाणेरडी व्यवस्था (Drainage Mimanagement) अशा अनेक बाबींसाठी मुंबईकर महापालिकेला धारेवर धरतात. या पावसाळी हंगामानंतरच महापालिका निवडणूक होणार आहे. दरम्यान, पंतप्रधान नरेंद्र मोदी आज (14 जून) महाराष्ट्राच्या (Modi in Maharashtra) दौऱ्यावर असून, शिवसेना नेते आणि मंत्री आदित्य ठाकरे यांचा उद्या (15 जून) अयोध्या दौरा आहे. मुंबई महापालिकेच्या आगामी निवडणुकांच्या पार्श्वभूमीवर या दौऱ्यांचं काही कनेक्शन आहे, असे आडाखे बांधले जात आहेत. तसंच, सततच्या पराजयांनंतर सुस्ती आलेल्या काँग्रेस पक्षाने त्यातून काहीही धडा घेतला नसून, या निवडणुकीच्या प्रचारमोहिमा सुरू करण्याबाबतीत काँग्रेसच्या गोटात अद्याप आनंदीआनंदच आहे आणि पक्षाच्या वरिष्ठ नेत्यांनी त्याबद्दल चिंताही व्यक्त केली आहे, असं इंडियन एक्स्प्रेसच्या वृत्तात म्हटलं आहे. काँग्रेस, शिवसेना आणि राष्ट्रवादी काँग्रेससोबत राज्याच्या सत्तेत आहे. तीन पक्ष एकत्र आल्यामुळे राज्यातली सत्ता न मिळालेल्या भाजपने (BJP) नुकत्याच झालेल्या राज्यसभा निवडणुकीत शिवसेनेविरुद्ध विजय मिळवला. त्यामुळे महापालिका निवडणुकीच्या पार्श्वभूमीवर भाजपचं मनोबल वाढलं आहे. मुंबई महापालिकेवर 25हून अधिक वर्षं शिवसेनेची सत्ता आहे. भाजप हा शिवसेनेचा पूर्वीचा मित्रपक्ष. त्याचा पाठिंबा शिवसेनेला होता. 2017 साली स्वबळावर लढवलेल्या मुंबई पालिका निवडणुकीत 227 पैकी 85 जागा शिवसेनेला, तर 82 जागा भाजपला मिळाल्या होत्या. विधानसभेतले विरोधी पक्षनेते आणि माजी मुख्यमंत्री देवेंद्र फडणवीस यांनी सांगितलं, की राज्यसभा निवडणुकीतला विजय म्हणजे फक्त सुरुवात आहे. तसंच, पक्ष स्वबळावर विधानसभा आणिअन्य निवडणुका लढवणार असल्याचंही त्यांनी सांगितलं. भाजपच्या मुंबई महापालिका निवडणुकीचे प्रभारी आशिष शेलार यांनी सांगितलं, की मुंबई महापालिका निवडणुकीव्यतिरिक्त 10 शहरी स्थानिक स्वराज्य संस्थांच्या निवडणुकांमधली भाजपची कामगिरी अन्य पक्षांच्या तुलनेत सरस आहे.

    भाषणनाट्यावर पडदा? अजितदादांना हेलिकॉप्टरमध्ये सोबत घेऊन पंतप्रधान पोहोचले मुंबईत!

    मुंबई पालिकेच्या लांबणीवर पडलेल्या निवडणुका सप्टेंबर-ऑक्टोबर अर्थात मान्सूननंतर होण्याची शक्यता आहे. त्या वेळी मुंबई पालिका पावसाळ्यातल्या गैरव्यवस्थापनामुळे सर्वांच्या रोषाची धनी बनलेली असते. आदित्य ठाकरे (Aditya Thackeray in Ayodhya) यांनीही मुंबई पालिकेच्या पावसाळी तयारीच्या बैठकीनंतर असं वक्तव्य केलं होतं, की एका दिवसात 200 मिमी पाऊस पडला, तर मुंबईत पूर येणारच. निसर्गाच्या या रौद्ररूपाला कोणीही थांबवू शकत नाही. त्यांचं हे वक्तव्य म्हणजे एक प्रकारची हतबलता आहे. भाजपला मिळणार बळ दरम्यान, रस्त्यांची वाईट परिस्थिती, ओबीसी आरक्षण पुन्हा मिळवण्यात आलेलं अपयश यांसारख्या अन्य मुद्द्यांवरून भाजपने शिवसेनेला कोंडीत पकडलं आहे. पंतप्रधान नरेंद्र मोदी आज देहू, तसंच मुंबईच्या दौऱ्यावर होते. त्यांचे अन्य कार्यक्रम तर आहेतच; पण मुंबई पालिका निवडणुकीच्या पार्श्वभूमीवर पंतप्रधानांच्या दौऱ्यामुळे भाजपच्या प्रचारमोहिमेला आणि कार्यकर्त्यांना बळ मिळणार आहे. आदित्य ठाकरे 15 जूनला अयोध्या दौऱ्यावर आदित्य ठाकरे 15 जूनला अयोध्या दौऱ्यावर जाणार आहेत. शिवसेनेचा पूर्वीचा मित्रपक्ष असलेल्या भाजपने उभ्या केलेल्या कठीण आव्हानाच्या पार्श्वभूमीवर शिवसेनेसाठी हा दौरा महत्त्वाचा आहे. आदित्य ठाकरेंच्या अयोध्या दौऱ्याला कोणताही राजकीय अर्थ नसल्याचं शिवसेनेकडून सांगितलं जात असून, यापूर्वीही शिवसैनिकांनी अयोध्या दौरे केले आहेत, असं सांगण्यात येत आहे; मात्र राज ठाकरे (Raj Thackeray MNS) यांनी नव्याने दिलेल्या हिंदुत्वाच्या घोषणेला आव्हान देण्यासाठी आदित्य ठाकरेंचा हा दौरा असू शकतो, असे आडाखे बांधले जात आहेत. मुंबईतल्या मतदारांमध्ये सुमारे 20 टक्के उत्तर भारतीय आहेत. त्यांची मतं मिळवण्यासाठी आदित्य ठाकरेंचा दौरा उपयोगी ठरू शकतो, असंही बोललं जात आहे. फडणवीसांना बोलू दिलं, अजितदादांना का नाही? हा महाराष्ट्राचा अपमान, सुप्रिया सुळे भडकल्या काँग्रेस शांतच.. राज्याच्या सत्तेत शिवसेनेसोबत सहभागी असलेल्या काँग्रेस पक्षात अद्याप मुंबई निवडणुकीच्या अनुषंगाने सामसूमच असून, वरिष्ठ पक्षनेत्यांनी याबद्दल नाराजी आणि चिंता व्यक्त केली आहे. गेल्या महिन्यात मुंबई काँग्रेस कार्यकारी समितीचे 150 सदस्य अखिल भारतीय काँग्रेसचे (Congress) सचिव आणि महाराष्ट्र प्रभारी एच. के. पाटील यांना भेटले. तसंच, आशिश दुआ, संपत कुमार आणि सोनल पटेल या तीन सचिवांसह अन्य पदाधिकाऱ्यांनाही भेटले; मात्र त्या वेळी मुंबई पालिका निवडणुकांच्या अनुषंगाने कोणतीही विशिष्ट चर्चा झाली नाही. 'त्या दिवशी यावर चर्चा होणं अपेक्षित होतं; मात्र ती झाली नाही. ती नंतर होणं अपेक्षित आहे. निवडणूक सप्टेंबर-ऑक्टोबरमध्ये होणार असल्याने आता आमच्या हातात फारसा वेळ नाही,' असं मुंबई काँग्रेसच्या एका पदाधिकाऱ्याने न्यू इंडियन एक्स्प्रेसशी बोलताना सांगितलं होतं. पक्षाच्या एका वरिष्ठ नेत्याने सांगितलं, 'मुंबई काँग्रेसमध्ये अनेक गट आहेत. भाई जगताप हे मुंबई प्रादेशिक काँग्रेस समितीचे अध्यक्ष आहेत. त्यांनी आता सर्वांना एकत्र आणण्यासाठी प्रयत्न करायला हवेत. गेल्या निवडणुकीवेळी गांधी कुटुंबीय सक्रियपणे सहभागी झाले नव्हते. या वेळी तरी ते मुंबईत प्रचाराला येतील, अशी आशा आहे.'
    First published:

    Tags: Aaditya thackeray, BMC, Pm modi

    पुढील बातम्या