...तर जूनच्या वीजबिलात मिळणार मोठी सूट, वाचा कशी मिळवाल सवलत

...तर जूनच्या वीजबिलात मिळणार मोठी सूट, वाचा कशी मिळवाल सवलत

हजारांपासून कोट्यवधीपर्यंत लोकांना वीजबिल देण्यात आले आहे, त्यामुळं एवढ्या रकमेते बिल भरायचे कसे? असा प्रश्न सध्या लोकांसमोर आहे.

  • Share this:

मुंबई, 04 जुलै : अवाजवी वीजबिल येण्याच्या तक्रारी दिवसेंदिवस वाढत आहे. हजारांपासून कोट्यवधीपर्यंत लोकांना वीजबिल देण्यात आले आहे, त्यामुळं एवढ्या रकमेते बिल भरायचे कसे? असा प्रश्न सध्या लोकांसमोर आहे. यातच आता महावितरण विभागाकडून ग्राहकांना विशेष सवलत देण्यात आली आहे. महावितरण विभागाच्या वतीनं तीन महिन्याचे बिल एकत्रित एकरकमी भरल्यास विशेष सवलत देण्यात येणार आहे. ग्राहकांना या 2 टक्के सवलत देण्यात येणार आहे. तर, मागणी करणाऱ्या ग्राहकांना तीन समान हप्त्यांमध्ये बिल भरण्याची मुभाही देण्यात आली आहे.

वीज नियमक मंडळाच्या वतीनं लॉकडाऊन काळात मीटर रिडिंग व वीजबिल वितरण न करण्याचा निर्णय घेतला. त्यामुळं ग्राहकांना सरासरी बिल देण्यात आले. मात्र वीज ग्राहकांना जास्त रकमेची देयके मिळत असल्याच्या तक्रारी अनेक भागातून समोर आल्या आहेत. सध्या जून महिन्याच्या बिलाचे वितरण केले जात आहे. दरम्यान ग्राहकांना वीजबिलाबाबत माहिती देण्यासाठी महावितरण विभागाचे मुख्य अभियंता, अधिक्षक अभियंता यांना सुचना देण्यात आल्या आहेत. त्यातूनही ग्राहकांना फायदा न झाल्यास energyminister@mahadiscom.in यावर तक्रारींचे निरसण केले जाईल.

वाचा-नोकरी जाण्याची भीती असल्यास सुरू करा हा व्यवसाय, करू शकता लाखोंची कमाई

वीज दराचा आदेश कोविड-19 च्या लॉकडाउनच्या कालावधी दरम्यान निर्गमित झाल्यामुळे, वीज कंपन्यांच्या कर्मचाऱ्यांना लॉकडाउनच्या नियमांचे पालन करणे शक्य होण्यासाठी आणि ग्राहकांना काहीसा दिलासा देण्यासाठी आयोगाने काही बाबतीत वीज कंपन्यांना परवानगी दिली. उदा. मीटरमधील नोंदी घेण्यासाठी ग्राहकांच्या इमारती/घरी न जाता मार्च ते मे या लॉकडाउनच्या कालावधी दरम्यान (ॲटोमॅटीक मीटर रिडिंगची सुविधा जेथे उपलब्ध आहे त्यांना वगळून) सरासरी वीज वापराच्या आधारावर वीज देयके आकारावीत.

वाचा-मोदी सरकारच्या या योजनेमुळे 20.41 लाख जणांना मिळणार वार्षिक 36 हजार रुपये

जून 2020 घरगुती ग्राहकांसाठी वीजबिल भरण्याची पद्धत

1. घरगुती ग्राहकांसाठी 3 हफ्त्यांमध्ये वीजबिल भरण्याची सवलत.

2. महावितरण कार्यालयात जाण्याची कोणतीही गरज नाही.

3. कोणत्याही महावितरण केंद्रावर जाऊन 1/3 बील भरू शकता.

4. संपूर्ण वीजबिल एकत्र भरल्यास 2 % सूट

5. ज्या ग्राहकांनी या अगोदर संपूर्ण रक्कमेच्या वीजबिल भरले असल्यास त्यांना देखील ती सूट देण्यात येईल.

6. जे घरगुती ग्राहक लॉकडाऊनमध्ये आपल्या मूळगावी गेल्यामुळे त्यांना सरासरी रिडींग पाठवले आहेत. त्यांच्या तक्रारीनंतर रिडींग पाहून बील दिलं जाईल.

वाचा-बँकेत किंवा पोस्ट ऑफिसमध्ये FD आहे? 3 दिवसात हा फॉर्म जमा न केल्यास होणार नुकसान

संपादन-प्रियांका गावडे.

First published: July 4, 2020, 9:47 AM IST

ताज्या बातम्या

corona virus btn
corona virus btn
Loading