Dhanajay Munde आणि Pankaja Munde भावंडांमध्ये 'गोडवा'; जाहीर कार्यक्रमात ताईच्या डोक्यात धनंजय यांनी मारली मायेची टपली

मुंबई, 18 मे : राज्याचे सामाजिक न्यायमंत्री धनंजय मुंडे (Dhananjay Munde) आणि त्यांची चुलत बहीण पंकजा मुंडे (Pankaja Munde) हे दोघेही एकमेकांचे राजकीय विरोधक आहेत. दोघांत अनेकदा आरोप प्रत्यारोप होत असल्याचं तुम्ही पाहिलं असेल. पण आज मुंबईत एक वेगळंच चित्र पहायला मिळालं. मुंबईतील एका कार्यक्रमात मंत्री धनजंय मुंडे आणि पंकजा मुंडे एका व्यासपीठावर आल्या. यावेळी दोन्ही बहीण-भावातील प्रेम दिसून आलं. नेत्रचिकित्सक डॉक्टर तात्याराव लहाने यांच्या नेत्रालयाचा उद्घाटन समारंभ मुंबईत पार पडला. यावेळी सर्वपक्षीय नेते व्यासपीठावर उपस्थित असल्याचं पहायला मिळालं. राष्ट्रवादी काँग्रेसचे सर्वेसर्वा शरद पवार, मंत्री आदित्य ठाकरे, मंत्री धनंजय मुंडे, मंत्री अमित देशमुख, भाजपच्या नेत्या पंकजा मुंडे, प्रीतम मुंडे व्यासपीठावर उपस्थित होते. या कार्यक्रमात भाषणासाठी जात असताना व्यासपीठावर बसलेल्या पंकजा ताईच्या डोक्यात धनंजय मुंडे यांनी प्रेमाने टपली मारल्याचं दिसून आलं.

धनंजय मुंडेंनी प्रेमाने पंकजा मुंडेंच्या डोक्यात मारली टपली pic.twitter.com/kElqTRnLpe

— News18Lokmat (@News18lokmat) May 18, 2022

धनंजय मुंडे हे पंकजाताईच्या डोक्यात प्रेमाने टपली मारत असल्याचा व्हिडीओ सध्या सोशल मीडियात प्रचंड व्हायरल होत आहे. भाषण करत असताना धनंजय मुंडे यांनी म्हटलं, कधीतरी ताई अशा लेन्सेसच्या फोकसमध्ये आपल्याला यावं लागतं. मी, आदित्य ठाकरे बसलो असतो त्यावेळी आदित्य म्हणाले, कदाचित ताईंनी लेन्सेस बदलल्या आणि महाविकास आघाडीच्या बदलल्या तर बरं होईल असं ते म्हणत होते मी नाही... हा मजेचा भाग सोडून द्या. पण हे खरं आहे. भलेही आम्ही राजकारणात बीड जिल्ह्यात बहीण-भावाचं वैर सर्वांना माहिती आहे. पण काही कुटुंब, काही व्यक्ती त्यांचं मोठेपण इतकं आहे... त्यांच्यासाठी आमचं वैर वगैरे काही नाही. वाचा : ''ताई चष्मा लागू नये, पण...''; पंकजा मुंडेंच्या टोमण्याला आदित्य ठाकरेंचं उत्तर यानंतर पंकजा मुंडे यांनी म्हटलं, नेत्रालयाचा उद्घाटन सोहळा असल्याने प्रत्येक गोष्ट दृष्टी आणि लेन्सेससोबत जोडल्या गेल्या पाहिजेत. ज्यांच्या अनुभवाच्या आणि ज्यांच्या राजकीय दृष्टीच्या लेन्सेस कुणाकडेही नसतील असे शरद पवार, सर्वांसोबत चांगले वागणारे असे बाळासाहेब थोरात, एक नवी दृष्टी देण्याची अपेक्षा आहे आणि ज्यांच्या लेन्सेसकडे युवक पाहत आहेत असे आदित्य ठाकरे, आमचे शेजारी जिल्ह्यातील अमित ठाकरे, बीड जिल्ह्याचे पालकमंत्री आणि आमचे बंधू धनंजय मुंडे.. मुंडे महाजनांच्या लेन्सेसमधून स्वत:ला मोठं करत आज पवार साहेबांच्या लेन्सेसमधून पाहणअयाचं खूप कमी लोकांना भाग्य लाभलं आहे त्यापैकी आमचे धनंजय मुंडे. काय म्हणाले आदित्य ठाकरे? पंकजा ताई चष्मा लागू नये, पण लागला तर कुठला लागला पाहिजे हे मी सुचवलं, असं आदित्य ठाकरेंनी म्हटलंय. पुढे आदित्य ठाकरे म्हणाले की, पंकजा ताई तुम्ही मला माझ्या लहानपणीपासून ओळखता. आपण सांगितलं की, चष्मा लागला नाहीय आणि मला माहितीय एकदा चष्मा लागल्यानंतर नंबर वाढत गेल्यानंतर काय त्रास असतो ते माहितेय. जर लागला तर कुठचा लावावा हेच एवढंच सांगितलं मी त्यांना बाकी पुढचं काही बोललो नाही. काय म्हणाले अमित देशमुख? येथे आल्यावर कळलं की मुंडे बहिण आणि बंधूंचे बरं चाललं आहे, असा चिमटा. अमित देशमुख यांनी पंकजा मुंडे आणि धनंजय मुंडे यांना काढला आहे. आम्हीच बेजार आहोत, पंकजा मुंडे यांचा विचार आला की धनंजय मुंडे यांना काय वाटेल. तुमच्या या घरोब्यात आम्हाला ही सामावून घ्या. हीच महाराष्ट्राची राजकीय परंपरा असल्याचं अमित देशमुख यांनी म्हटलं आहे.