महिलांच्या कपड्यात लपवून ठेवलेले 4 किलो ड्रग्ज, ऑस्ट्रेलियाला पाठवण्याची सुरु होती तयारी; अंधेरीत NCB ची कारवाई

मुंबई, 22 जानेवारी: महाराष्ट्राची (Maharashtra) आर्थिक राजधानी असलेल्या मुंबईत (Mumbai) अंमली पदार्थांच्या विरोधात नार्कोटिक्स कंट्रोल ब्युरोची (NCB) कारवाई सुरूच आहे. शुक्रवारी NCB च्या पथकानं 3.9 किलोपेक्षा जास्त इफेड्रिन (Ephedrine) जप्त केले आहे. मुंबईतील धारावी परिसरात एनसीबीनं ही कारवाई केली आहे. हे ड्रग्ज महिलांच्या कपड्यांमध्ये लपवून ठेवले होते असं सांगण्यात येत आहे. मात्र, एनसीबीच्या मुंबई युनिटने अंधेरी (पूर्व) येथे छापे टाकले आणि अंमली पदार्थ जप्त केले. एनसीबीच्या अधिकाऱ्याच्या म्हणण्यानुसार, हे ड्रग्ज पुण्यातून आल्याचे सांगण्यात येत आहे. त्याच वेळी एनसीबीच्या अधिकाऱ्याने सांगितले की, किमान 3.950 किलो इफेड्रिन जप्त करण्यात आले आहे. मात्र हे ड्रग्ज समुद्रमार्गे ऑस्ट्रेलियाला पाठवण्याची तयारी होती. सध्या याप्रकरणी गुन्हा दाखल करण्यात आला असून पुढील तपास सुरू आहे.

A team of NCB Mumbai seized 3.950 grams of Ephedrine which was concealed in ladies' wears at Andheri (E), Mumbai today. The consignment originated from Pune & was destined for Australia.NCB Mumbai registered the case. Further investigation is in progress: Narcotics Control Bureau pic.twitter.com/qhxsVUcaNR

— ANI (@ANI) January 21, 2022

मुंबई NCBची गोव्यात छापेमारी दोन दिवसांपूर्वीच मुंबई एनसीबीने गोव्यात एक मोठी कारवाई (Mumbai NCB raid in Goa) केली आहे. मुंबई आणि गोवा एनसीबीने (Goa NCB) काल संयुक्तपणे उत्तर गोव्यातील अर्पोरा (Arpora) याठिकाणी छापेमारी केली आहे. यावेळी एनसीबीच्या अधिकाऱ्यांनी दोन महिलांना अटक केली (2 female drug peddler arrested) असून यांच्याकडून जवळपास 25 किलो गांजा आणि MDMA च्या काही गोळ्या जप्त केल्या (Seized 25 kg Cannabis and MDMA tablets) आहेत. अटक केलेल्या महिलांमध्ये एक महिला विदेशी असल्याची माहिती समोर आली आहे. संबंधित दोघींना न्यायालयात हजर केलं असता, न्यायालयाने दोघींनाही न्यायालयीन कोठडीत पाठवलं आहे. या घटनेचा पुढील तपास मुंबई एनसीबी आणि गोवा एनसीबी संयुक्तपणे करत आहेत. IND vs SA : टेस्टनंतर वन-डेमध्येही राहुलची कॅप्टनसी फेल, सीरिज गमावल्याचं सांगितलं कारण तपास अधिकाऱ्यांनी दिलेल्या माहितीनुसार, गुप्त माहितीच्या आधारे मुंबई एनसीबी आणि गोवा एनसीबीच्या टीमने संयुक्तपणे जुन्या गोवा आणि उत्तर गोव्यातील बनस्तारीम आणि पोंडा याठिकाणी छापेमारी केली आहे. या छापेमारीत एनसीबीने दोन महिला तस्करांना रंगेहाथ अटक केली आहे. आरोपी महिलांकडून पोलिसांनी 25 किलो गांजासह MDMA च्या काही टॅबलेट्स जप्त केल्या आहेत. अटक केलेल्या आरोपींमधील एक महिला विदेशी आहे.