Home /News /mumbai /

Mumbai Corona : मुंबईकरांना मोठा दिलासा, कोरोनाबाधितांचा आकडा कमी झाला, आकडेवारी नेमकं काय सांगतेय?

Mumbai Corona : मुंबईकरांना मोठा दिलासा, कोरोनाबाधितांचा आकडा कमी झाला, आकडेवारी नेमकं काय सांगतेय?

corona

corona

मुंबईत नव्या कोरोनाबाधितांची आकडेवारी घसरताना दिसत आहे. त्यामुळे मुंबईकरांना मोठा दिलासा मिळाला आहे.

    मुंबई, 26 जानेवारी : मुंबईत काही दिवसांपूर्वी कोरोनाची तिसरी लाट (Corona Third Wave) धडकली होती. त्यामुळे मोठी खळबळ उडाली होती. शहरात कोरोनाच्या नव्या बाधित रुग्णांची आकडेवारी अचानक वाढू लागल्याने प्रशासनासह मुंबईकरांच्या चिंतेत वाढ झाली होती. नव्या बाधितांमध्ये सर्वाधिक रुग्ण हे ओमायक्रोन विषाणूपासून (Omicron) बाधित असल्याची देखील माहिती समोर आली होती. कोरोनाबाधितांचा आकडा प्रचंड वेगाने वाढत होता. त्यामुळे मुंबईत पुन्हा नव्याने निर्बंध लागू (Corona restrictions in Mumbai) करण्यात आले होते. अखेर तीन आठवड्यांनी मुंबईकरांना काहीसा दिलासा मिळताना दिसतोय. कारण दैनंदिक रुग्णवाढ ही 20 हजारांच्या पार गेली असताना हळूहळू ही आकडेवारी नियंत्रणात आणण्यात प्रशासनाला यश मिळताना दिसत आहे. मुंबईत आज दिवसभरात 1 हजार 858 नवे कोरोनाबाधित रुग्ण आढळले आहेत. तर 1 हजार 656 बाधितांनी कोरोनावर मात केली आहे. मुंबईत रुग्ण बरे होण्याचा दर हा 96 टक्क्यांवर पोहोचलं आहे. तर रुग्ण दुप्पटीचा दर हा 185 दिवसांवर पोहोचला आहे. मुंबई महापालिकेच्या आरोग्य विभागाने दिलेल्या माहितीनुसार, 19 जानेवारी ते 25 जानेवारी या दरम्यान कोरोना संसर्ग वाढीचा दर 0.37 टक्के इतका आहे. (नितेश राणेंच्या पोलीस ठाण्यात येरझारा, सुप्रीम कोर्टात उद्या जामीनावर सुनावणी) मुंबईतील नव्या कोरोनाबाधित रुग्णांच्या आकडेवारीचा अभ्यास केला तर 15 जानेवारीला 10 हजारांपेक्षा जास्त रुग्णांची नोंद झाली होती. त्यानंतर हळूहळू ही रुग्णसंख्या दररोज कमी झाली. 15 जानेवारीनंतर दुसऱ्याच दिवशी नव्या बाधितांच्या आकडेवारीत 2 हजारांपेक्षा जास्त रुग्णांची कमी झाल्याचं बघाया मिळालं होतं. रुग्णांची कमी संख्या ही दररोज दोन हजारांच्या फरकाने कमी होऊ लागली होती. 21 जानेवारीला 5008 रुग्ण आढळले होते. त्यानंतर 22 जानेवारीला हाच आकडा 3568 वर पोहोचला होता. त्यानंतर दुसऱ्या दिवशी ही आकडेवारी आणखी एक हजाराने खाली घसरली होती. मात्र, गेल्या दिवसांपासूनची आकडेवारी ही 1800 ते 1850 च्या दरम्यान बघायला मिळत आहे. ही आकडेवारी देखील लवकरच खाली घसरेल आणि मुंबईत कोरोना परिस्थिती पूर्णपणे सुधारेल, अशी आशा आहे. मुंबईतील गेल्या काही दिवसांपासूनची नवी रुग्णसंख्या (आकडेवारीत) 26 जानेवारी - 1858 25 जानेवारी - 1815 24 जानेवारी - 1857 23 जानेवारी - 2550 22 जानेवारी - 3568 21 जानेवारी - 5008 20 जानेवारी - 5708 19 जानेवारी - 6032 18 जानेवारी - 6149 17 जानेवारी - 5956 16 जानेवारी - 7895 15 जानेवारी - 10661

    तुमच्या शहरातून (मुंबई)

    Published by:Chetan Patil
    First published:

    पुढील बातम्या