कामकाजी महिलांच्या मदतीसाठी धावळी रेल्वे, पश्चिम रेल्वेनं घेतला मोठा निर्णय

मुंबई, 27 सप्टेंबर: कोरोना काळात अत्यावश्यक सेवा सुरू आहेत. नागरिकांचे हाल होऊ नयेत म्हणून अत्यावश्यक सेवा सुरू ठेवण्यात आल्या आहेत. यासेवेत काम करणाऱ्या कर्मचाऱ्यांना रेल्वेनं प्रवास करण्याची परवानगी आहे. मात्र कर्मचाऱ्यांची वाढती संख्या आणि लोकलवर येणारा अतिभार याचा यामुळे सोशल डिस्टन्सिंग आणि कोरोनाचे नियम पाळण्यासाठी रेल्वेनं लोकलच्या फेऱ्या वाढवल्या दीडशे-अडीचशेवरून पाचशे केल्या यासर्वात आता दिलासा मिळणार आहे तो महिलांना.

पश्चिम रेल्वेनं कोरोना काळात महिलांसाठी विशेष लोकल सेवा सुरू करण्याचा निर्णय घेतला आहे. अत्यावश्यक सेवेत काम करणाऱ्या महिलांसाठी पश्चिम रेल्वेवर महिला विशेष लोकल धावणार आहे. ही लोकल सोमवार पासून सुरू होणार आहे. दोन लोकल फेऱ्या असतील पहिली महिला विशेष लोकल सकाळी विरार-चर्चगेट सकाळी 7.35 वाजता तर संध्याकाळी 6.10 मिनिटांनी चर्चगेट विरार अशी दुसरी लोकल अससणार आहे.

For Ladies essential staff..

SIX ADDITIONAL ESSENTIAL SERVICES INCLUDING TWO LADIES SPECIAL WEF 28.09.2020 @Central_Railway @Gmwrly @PiyushGoyalOffc @RailwaySeva @RailMinIndia pic.twitter.com/ocRSgiWO1h

— DRM WR MumbaiCentral (@drmbct) September 26, 2020

हे वाचा-सुशांतवरील चित्रपटात दिसणार श्रद्धा कपूरचे बाबा, निभावणार NCB अधिकाऱ्याची भूमिका

पश्चिम रेल्वेवर सुरुवातीला साडेतीनशे लोकल चालवल्या जात होत्या मग कर्मचाऱ्यांची गर्दी वाढत असल्यानं पाचशेपर्यंत लोकलच्या फेऱ्या सुरू केल्या आहेत. यामध्ये दोन महिला विशेष लोकल असणार आहेत. लोकलमध्ये प्रवाशांनी गर्दी करू नये, सोशल डिस्टन्सिंगचं पालन करावं आणि कोरोनाचा संसर्ग टाळण्यासाठी योग्य ती काळजी घेण्याचं आवाहन करण्यात आलं आहे.

याशिवाय अत्यावश्यक सेवा वगळता इतर प्रवाशांना लोकलनं प्रवास करण्यास बंदी असून अफवांवर विश्वास ठेवू नये असंही आवाहन रेल्वे प्रशासनाकडून करण्यात आलं आहे. लोकलची होणारी गर्दी आणि एकूण सर्वाचा विचार करता महिलांसाठी हा निर्णय खूपच फायदेशीर असणार आहे. त्यामुळे कोरोना काळात महिला विशेष लोकल सेवा सुरू केल्यामुळे अत्यावश्यक सेवेक काम करणाऱ्या महिलांना मोठा दिलासा मिळाला आहे.