News18 Lokmat

मनसे ठाणे जिल्हाध्यक्षाला 1 कोटीचा तर 25 कार्यकर्त्यांना प्रत्येकी 25 लाखांचा 'दंड', सोमवारी पुन्हा सुनावणी

अविनाश जाधव यांना १ कोटी तर इतर ६ कार्यकर्त्यांना प्रत्येकी २५ लाखांचा जामीन भरण्याची नोटीस बजावण्यात आली आहे. याविरोधात मुंबई हायकोर्टात याचिका दाखल करण्यात आली आहे.

Sachin Salve | News18 Lokmat | Updated On: Nov 16, 2017 06:28 PM IST

मनसे ठाणे जिल्हाध्यक्षाला 1 कोटीचा तर 25 कार्यकर्त्यांना प्रत्येकी 25 लाखांचा 'दंड', सोमवारी पुन्हा सुनावणी

16 नोव्हेंबर : महाराष्ट्र नवनिर्माण सेनेनं ठाण्यात फेरीवाल्यांविरोधात केलेल्या आंदोलनादरम्यान सहभागी असलेल्या पक्षाचे ठाणे जिल्हाध्यक्ष अविनाश जाधव यांच्यासह सहा कार्यकर्त्यांना मुंबई हायकोर्टाने दिलासा दिला आहे. या सर्वांना सोमवारपर्यंत अटक न करण्याचे आदेश कोर्टाने दिले आहेत.

अविनाश जाधव यांना १ कोटी तर इतर ६ कार्यकर्त्यांना प्रत्येकी २५ लाखांचा जामीन भरण्याची नोटीस बजावण्यात आली आहे. याविरोधात मुंबई हायकोर्टात याचिका दाखल करण्यात आली आहे.

या सुनावणी दरम्यान आज मनसेतर्फे युक्तीवाद करताना वकील राजेंद्र शिरोडकर यांनी फक्त जामीनाच्या रकमेचा प्रश्न नाही तर हे सगळे कार्यकर्त्ते काही सराईत गुन्हेगार नाहीयेत त्यामुळे त्यांच्याविरोधात अशी नोटीस बजावणे गैर असल्याचं म्हटलंय. तर ठाणे पोलिसांनी आपल्याकडे या कार्यकर्त्यांविरोधात पूर्वी केलेल्या गुन्ह्यांची माहिती असून ती सादर करण्यासाठी पुढील सुनावणी सोमवारी ठेवण्याची विनंती कोर्टाला केली.

तसं असल्यास या कार्यकर्त्यांना बजावण्यात आलेल्या नोटिसांना स्थगिती देण्यात यावी अशी मागणी शिरोडकर यांनी केली. ठाणे पोलिसांनीही तोपर्यंत या कार्यकर्त्यांविरोधात कोणतीही कारवाई करण्यात येणार नाही अशी ग्वाही दिली. त्यानंतर कोर्टाने या सगळ्या कार्यकर्त्यांना दिलासा दिला आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Nov 16, 2017 06:28 PM IST
Loading...

ताज्या बातम्या

Loading...