‘ आता थेट रायगडावर मंत्रिमंडळाची  बैठक घ्या’, खासदार संभाजीराजे यांनी केली मागणी

मुंबई 16 ऑगस्ट: राज्यपाल भगतसिंह कोश्यारी यांनी रविवारी किल्ले शिवनेरीवर पायी जात गडाची पाहणी केली आणि शिवाजी महाराजांना अभिवादन केलं. या पार्श्वभूमीवर खासदार छत्रपती संभाजीराजे यांनी केली आहे. राज्यपालांनी सरारकार आदेश द्यावेत अशी विनंतीही त्यांनी केली. राज्यपालांनी गड किल्ले दत्तक घेण्याचं जे आवाहन केलं आहे त्याचं स्वागत केलं पाहिजे असंही ते म्हणाले. संभाजीराजे पुढे म्हणाले, राज्यपालांनी वयाच्या 79 वर्षी किल्ले शिवनेरी 'पायी' सर केला. ही आमच्या सारख्या गडप्रेमी शिवभक्तांसाठी समाधान देणारी गोष्ट आहे. त्यापेक्षाही पुढे जाऊन त्यांनी जे प्रत्येक मंत्र्याने एकेक किल्ला दत्तक घेण्याचे आवाहन केले त्याचे मी मनापासून स्वागत करतो. राज्यपाल महोदयांना माझी अजून एक विनंती असेल, जी मी अनेक वर्षांपासून मागणी करत आहे. दरवर्षी कॅबिनेटची एक बैठक रायगडावर घेण्याचे आदेश आपण द्यावेत. जेणेकरून महाराजांनी ज्या ध्येयवादाने रायगड वर राज्याभिषेक करवून घेतला, तो राजकारणी आणि अधिकाऱ्यांना लक्षात येईल.

राज्यपाल महोदयांना माझी अजून एक विनंती असेल, जी मी अनेक वर्षांपासून मागणी करत आहे. दरवर्षी कॅबिनेट ची एक बैठक रायगड वर घेण्याचे आदेश आपण द्यावेत. जेणेकरून महाराजांनी ज्या धेयवादाने रायगड वर राज्याभिषेक करवून घेतला, तो राजकारणी आणि अधिकाऱ्यांना लक्षात येईल.

— Sambhaji Chhatrapati (@YuvrajSambhaji) August 16, 2020

छत्रपती शिवाजी महाराज हे सामान्य व्यक्ती नव्हते तर अवतारी पुरुष होते. त्यांच्या जन्मस्थळी भेट देण्याचे भाग्य मला मिळाले हा माझ्या पुण्याचा भाग आहे असं प्रतिपादन राज्याचे राज्यपाल भगतसिंग कोश्यारी यांनी किल्ले शिवनेरी येथे केले. शिवजन्मस्थळी नतमस्तक होण्यासाठी राज्यपाल रविवारी सकाळी 11 वाजता किल्ले शिवनेरीवर पोहचले.गडाच्या पहिल्या पायरीपासून ते जन्मस्थळापर्यंत ते न थकता न दमता चालत गेले. "शिवनेरीवर येण्याअगोदर अनेक जण मला पाऊस आहे, चिखल आहे असं सांगून घाबरवत होते पण केवळ महाराजांविषयी श्रद्धेचे स्थान माझ्या मनात असल्याने मी येथे येऊ शकलो"असेही कोश्यारी यांनी माध्यमांंशी बोलताना सांगितले.