मोठी बातमी! राज्यात तीन महिन्यात प्रथमच सर्वात कमी रुग्णांची नोंद; रिकव्हरी रेट 95 टक्क्यांवर

मुंबई, 5 जून: महाराष्ट्रात (Maharashtra) लागू करण्यात आलेल्या कठोर निर्बंधांचा सकारात्मक परिणाम दिसून आला आहे. राज्यातील रुग्णवाढीला ब्रेक लागला असून रिकव्हरी रेट सातत्याने वाढत (Recovery rate increased) आहे. राज्यातील रुग्ण बरे होण्याचे प्रमाण गेल्या तीन महिन्यांत प्रथमच 95 टक्क्यांवर पोहोचले आहे. आज दिवसभरात राज्यात कोरोनाचे 21 हजार 776 रुग्णांनी कोरोनावर मात केली आहे. राज्यात आतापर्यंत एकूण 55 लाख 28 हजार 834 रुग्णांनी कोरोनावर मात केली आहे.

तीन महिन्यात प्रथमच घडलं असं

गेल्या तीन महिन्यांत आज प्रथमच सर्वात कमी म्हणजेच 13 हजार 659 रुग्णांचे निदान झाले आहे. राज्यात 10 मार्च 2021 रोजी आजच्या इतकेच रुग्णांची नोंद झाली होती. त्यानंतर कोरोना बाधित रुग्णांच्या संख्येत सातत्याने वाढ होत होती. पण आता रुग्णवाढीला ब्रेक लागला असून रुग्ण संख्येत सातत्याने घसरण होत आहे.

Unlock वरून गोंधळ का झाला? वडेट्टीवारांची काहीही चूक नव्हती म्हणत मुख्यमंत्र्यांनी दिलं स्पष्टच उत्तर

सध्या राज्यातील सक्रिय रुग्णांची संख्या 1 लाख 88 हजार 027 इतकी झाली आहे. राज्यात आज 300 कोरोना बाधित रुग्णांच्या मृत्यूची नोंद झाली आहे. त्यापैकी 211 मृत्यू हे मागील 48 तासांतील तर 89 मृत्यू हे मागील आठवड्यातील आहेत. सध्या राज्यातील मृत्यू दर हा 1.71 टक्के इतका झाला आहे.

आज कुठल्या विभागात किती रुग्ण?

ठाणे मंडळ - 2792

नाशिक मंडळ - 1379

पुणे मंडळ - 3442

कोल्हापूर मंडळ - 3586

औरंगाबाद मंडळ - 371

लातूर मंडळ - 843

अकोला मंडळ - 773

नागपूर मंडळ - 473

एकूण - 13,659

सर्वाधिक सक्रिय रुग्ण असलेले जिल्हे

पुणे - 22280

मुंबई - 18118

कोल्हापूर - 18130

ठाणे - 16801

सातारा - 15246