मराठी बातम्या /बातम्या /मुंबई /

अजित पवार यांच्या पत्नी सुनेत्रा यांनाही मिळाली सुरक्षा

अजित पवार यांच्या पत्नी सुनेत्रा यांनाही मिळाली सुरक्षा

राज्यातील विरोधी पक्षातील नेत्यांच्या सुरक्षेत कपात करण्याचा निर्णय महाविकास आघाडी सरकारने (MVA Goverment) घेतला आहे.

राज्यातील विरोधी पक्षातील नेत्यांच्या सुरक्षेत कपात करण्याचा निर्णय महाविकास आघाडी सरकारने (MVA Goverment) घेतला आहे.

राज्यातील विरोधी पक्षातील नेत्यांच्या सुरक्षेत कपात करण्याचा निर्णय महाविकास आघाडी सरकारने (MVA Goverment) घेतला आहे.

मुंबई, 10 जानेवारी : राज्यातील विरोधी पक्षातील नेत्यांच्या सुरक्षेत कपात करण्याचा निर्णय महाविकास आघाडी सरकारने (MVA Goverment) घेतला आहे. विरोधी पक्षासह सरकारमधील काही मंत्र्यांची सुद्धा सुरक्षा कमी केली आहे. तर दुसरीकडे राज्याचे उपमुख्यमंत्री अजित पवार (Ajit pawar) यांच्या पत्नी सुनेत्रा पवार (Sunetra pawar) यांना पहिल्यांदाच सुरक्षा पुरवण्यात आली आहे.

दोन दिवसांपूर्वी महाविकास आघाडी सरकारची महत्वाची बैठक पार पडली. या बैठकमध्ये कोण कोणत्या नेत्यांची सुरक्षा वाढवायची आणि कपात करायची याबद्दल निर्णय घेण्यात आला आहे.  राज्याचे उपमुख्यमंत्री अजित पवार यांच्या पत्नी सुनेत्रा पवार यांना पहिल्यांदाच सुरक्षा पुरवण्यात आली आहे. सुनेत्रा पवार यांना एक्स दर्जाची सुरक्षा देण्यात आली आहे.

IND vs AUS : दिवसाच्या शेवटी रोहित शर्माने केली मोठी चूक, भारताला महागात पडणार!

विशेष म्हणजे, सुनेत्रा पवार यांना एक्स दर्जाची पहिल्यांदाच सुरक्षा देण्यात आली आहे. याआधी सुद्धा अजित पवार हे आघाडी सरकारच्या काळात उपमुख्यमंत्री होते. त्यावेळी त्यांना सुरक्षा देण्यात आली  होती. सुनेत्रा पवार यांना विशेष वेगळी सुरक्षा दिलेली नाही. उपमुख्यमंत्री यांच्या पत्नी म्हणून सुनेत्रा पवार यांना सुरक्षा देण्यात आली आहे. यापूर्वीही उपमुख्यमंत्र्यांच्या पत्नींना सुरक्षा पुरवण्यात आली होती, असं पवार कुटुंबीयांकडून स्पष्ट करण्यात आले आहे.

फडणवीस यांच्या सुरक्षा ताफ्यातील बुलेटप्रुफ गाडी काढली

तर माजी मुख्यमंत्री आणि भाजपचे विरोधी पक्षनेते देवेंद्र फडणवीस यांच्या सुरक्षा ताफ्यात देण्यात आलेली बुलेटप्रुफ गाडी काढण्यात आली आहे. देवेंद्र फडणवीस यांच्या जीवाला धोका असल्याचा अहवाल असताना सुरक्षेत कपात करण्यात आली आहे. त्याचबरोबर  भाजप प्रदेशाध्यक्ष चंद्रकांत पाटील, प्रविण दरेकर, प्रसाद लाड, यांच्याही सुरक्षा व्यवस्थेत मोठी कपात करण्यात आली आहे.  तर विधान परिषदेचे विरोधी पक्ष नेते प्रवीण दरेकर यांना वाय सुरक्षा दिली आहे ती आधी वाय प्लस सुरक्षा होती.

या नेत्यांना पुरवण्यात आली सुरक्षा

विशेष सरकारी वकील उज्ज्वल निकम यांना झेड सुरक्षा पुरवण्यात आली आहे. तर शत्रुघ्न सिन्हा यांना वाय प्लस सुरक्षा वाढवण्यात आली आहे. काँग्रेसचे मंत्री  विजय वडेट्टीवार, सुनील केदार, राष्ट्रवादीचे नेते रामराजे निंबाळकर,दिलीप वळसे, शिवसेनेचे मंत्री अब्दुल सत्तार, संदीपान भुमरे यांच्या सुरक्षेत वाढ करण्यात आली आहे.

पुजाऱ्याशी लग्न केल्यास गरीब ब्राम्हण वधूला मिळणार 3 लाख;कर्नाटक सरकारची योजना

त्याचबरोबर आमदार वैभव नाईक हे नारायण राणे यांचे विरोधक आहे म्हणून त्यांना सुरक्षा देण्यात आली आहे. युवा सेनेचे नेते वरूण सरदेसाई, उपमुख्यमंत्री अजित पवार यांच्या पत्नी सुनेत्रा अजित पवार यांना प्रथमच सुरक्षा पुरवण्यात आली आहे.  तसंच कोल्हापूरमध्ये माजी आमदार राजेश क्षीरसागर, ओबीसी नेते प्रकाश शेंडगे, विधानसभा उपाध्यक्ष नरहरी झिरवल यांची सुरक्षा वाढवली आहे.

First published: