S M L

राज्यात प्लास्टिक बंदी कायम, प्लास्टिक उत्पादकांची याचिका कोर्टाने फेटाळली

प्लास्टिकची विल्हेवाट लावण्यासाठी एक महिन्याची मुदत देण्यात आली होती ती वाढवून तीन महिने करण्यात आलीये.

Sachin Salve | Updated On: Apr 13, 2018 04:32 PM IST

राज्यात प्लास्टिक बंदी कायम, प्लास्टिक उत्पादकांची याचिका कोर्टाने फेटाळली

मुंबई, 13 एप्रिल : मुंबई उच्च न्यायालयानं प्लास्टिक बंदीला विरोध करणाऱ्या उत्पादकांची मागणी फेटाळून लावलीये. तसंच प्लास्टिक उत्पादकांच्या सुचनांचा सरकारला विचार करण्याचे निर्देशही देण्यात आले आहे.

महाराष्ट्र सरकारनं केलेल्या प्लास्टिक बंदिच्या विरोधात प्लास्टिक उत्पादकांनी मुंबई उच्च न्यायालयात याचिका दाखल केली होती. त्या याचिकेवर सुनावणी करताना उच्च न्यायालयानं ही मागणी फेटाळून लावलीये.

यासोबतच सरकारला याचिकार्त्यांच्या सुचनांचा विचार करण्याचे निर्देशही देण्यात आलेत. प्लास्टिकची विल्हेवाट लावण्यासाठी एक महिन्याची मुदत देण्यात आली होती ती वाढवून तीन महिने करण्यात आलीये.

या तीन महिन्यात प्लास्टिक वापरावरुन कुणालाही दंड आकारण्यात येणार नाही. प्लास्टिक उत्पादकांना सरकारसोबत चर्चा करण्याचे निर्दैश देण्यात आले आहे. याचिकेची पुढील सुनावणी 8 जुनला करण्यात येणार आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Apr 13, 2018 04:32 PM IST

लोकप्रिय बातम्या

Live TV

News18 Lokmat
close