मुंबईतील power Cut ची मुख्यमंत्र्यांनी घेतली गंभीर दखल, चौकशीचे दिले आदेश

मुंबईतील power Cut ची मुख्यमंत्र्यांनी घेतली गंभीर दखल, चौकशीचे दिले आदेश

मुंबई महानगर क्षेत्रातील वीज खंडित झाल्याच्या घटनेबाबत मुख्यमंत्री उद्धव ठाकरे यांनी ऊर्जा मंत्री डॉ नितीन राऊत यांच्याशी चर्चा केली.

  • Share this:

 

मुंबई, 12 ऑक्टोबर :  मुंबई आणि ठाणे उपनगरात आज सकाळी अचानक वीज पुरवठा ठप्प झाला होता. अखेर अडीच तासांच्या प्रयत्नानंतर वीज पुरवठा सुरळीत झाला आहे. या घटनेची राज्याचे मुख्यमंत्री उद्धव ठाकरे यांनी गंभीर दखल घेतली असून चौकशीचे आदेश दिले आहे.

मुंबई महानगर क्षेत्रातील वीज खंडित झाल्याच्या घटनेबाबत मुख्यमंत्री उद्धव ठाकरे यांनी  ऊर्जा मंत्री डॉ नितीन राऊत यांच्याशी चर्चा केली व मुंबई तसेच मुंबई महानगर क्षेत्रातील वीज पुरवठा सुरळीत करण्यासाठी तातडीने सर्वतोपरी प्रयत्न करावेत, अशा सूचना दिल्या. 'भविष्यात परत अशी घटना घडू नये यासाठी सतर्कता बाळगावी', असेही त्यांनी सांगितले.

मुंबईतील संपूर्ण वीज जाण्याच्या घटनेमागे कोणते तांत्रिक दोष आहेत तसंच कोण जबाबदार आहेत त्याबाबत चौकशी करण्याचे निर्देश मुख्यमंत्र्यांनी दिले आहे.

अखेर मुंबईत वीज पुरवठा झाला पूर्ववत, मध्य आणि पश्चिम रेल्वे पुन्हा सुरू

दरम्यान, सकाळी मुख्यमंत्र्यांनी रुग्णालयांना वीज पुरवठा अबाधित राहण्यासाठी पर्यायी व्यवस्था सुरळीतपणे सुरू राहावी जेणे करून अडचण होणार नाही याबाबत महानगरपालिका आयुक्त इकबाल सिंह चहल यांनाही सूचना दिल्या होत्या.

या सर्व काळात वीज पुरवठा खंडित असल्याने इतर काही अपघात होणार नाहीत यादृष्टीने नियंत्रण कक्ष, अग्निशमन दल यांनी सतर्क राहावे व तात्काळ मदत करावी, असेही त्यांनी मुख्य सचिव व मंत्रालय नियंत्रण कक्षास सांगितले.

उपनगरीय रेल्वेला याचा फटका बसला असून तिथेही प्रवाशांच्या मदतीला तात्काळ धावून जाण्याबाबत रेल्वे प्रशासनाशी समन्वय साधावा असेही त्यांनी निर्देश दिले आहे.

Appleची iPhone 12 सीरीज या दिवशी होणार लॉन्च; पाहा काय असेल किंमत

दरम्यान, 'महापारेषणच्या 400 KV कळवा पडघा GIS केंद्रात सर्किट 1 देखभाल-दुरुस्ती सुरू होती. त्यावेळी सर्व भार हा सर्किट दोनवर टाकण्यात आला होता. मात्र, सर्किट दोनमध्ये अचानक तांत्रिक बिघाड झाल्यामुळे मुंबईसह उपनगरांमध्ये वीज पुरवठा खंडीत झाला होता' अशी माहिती राऊत यांनी दिली.

Published by: sachin Salve
First published: October 12, 2020, 1:19 PM IST
Tags:

ताज्या बातम्या