मुख्यमंत्री उद्धव ठाकरेंच्या हस्ते मुंबई ट्रान्स हार्बर लिंक प्रकल्पाचा आज शुभारंभ

मुख्यमंत्री उद्धव ठाकरेंच्या हस्ते मुंबई ट्रान्स हार्बर लिंक प्रकल्पाचा आज शुभारंभ

मुंबई शहर थेट रायगड जिल्ह्यातील राष्ट्रीय महामार्ग ४ वरील चिर्ले गावात पोहचणार आहे. त्यामुळे रायगड जिल्ह्यातील नाव्हा- शेव्हा बंदर आणि अलिबाग मुरूड किनार्यांपर्यंत थेट पोहचता येणार आहे.

  • Share this:

मुंबई, 15 जानेवारी : मुंबई पारबंदर प्रकल्पाच्या (मुंबई ट्रान्स हार्बर लिंक) समुद्रातील पुलाच्या पहिल्या गाळ्याच्या उभारणीच्या कामाचा शुभारंभ मुख्यमंत्री उद्धव ठाकरे यांच्या हस्ते बुधवारी करण्यात येणार आहे. या प्रकल्पाच्या उभारणीतील हा एक अत्यंत महत्त्वाचा टप्पा आहे.

स्वयंचलित लॉचिंग गर्डरद्वारा पुलाच्या प्रकल्पाच्या पहिल्या स्पॅनची उभारणी (erection of first span) होत आहे. या लाँचिंग गर्डरचे वजन १००० मे. टन असून लॉचिंग गर्डरची वजन उचलण्याची एकूण क्षमता सुमारे १४०० मे. टन इतकी आहे.

मुंबई पारबंदर प्रकल्पामध्ये मुंबई शहरातील शिवडी आणि मुख्य भूमीवरील न्हावा यांना जोडणाऱ्या सुमारे २२ किमी लांबीच्या ६ पदरी (३३ मार्गिका) पुलाचा अंतर्भाव आहे. या पुलाची समुद्रातील लांबी सुमारे १६.५ किमी असून जमिनीवरील पुलाची एकूण लांबी सुमारे ५.५ किमी इतकी आहे.

या पुलाला मुंबई शहरातील शिवडी आणि मुख्य भूमीवरील शिवाजी नगर आणि राष्ट्रीय महामार्ग-४ ब वर चिर्ले गावाजवळ आंतरबदल (Interchanges) प्रस्तावित आहेत. हा भारतातील सर्वात जास्त लांबीचा समुद्रावरील पूल ठरणार आहे.

हा प्रकल्प जपान आंतरराष्ट्रीय सहकार संस्थेच्या (JICA) कर्ज सहाय्याने राबविण्यात येत आहे. प्रकल्पाचे बांधकाम हे ३ स्थापत्य कंत्राटांद्वारे आणि १ इंटेलीजंट ट्रान्सपोर्ट सिस्टीम कंत्राटाद्वारे करण्यात येणार आहे. पुलाच्या पायाचे आणि स्तंभांच्या उभारणीचे काम प्रगतीपथावर आहे.

त्याचप्रमाणे सेगमेंट कास्टींग आणि तात्पुरत्या पुलाच्या उभारणीचे काम प्रगतीपथावर आहे. प्रकल्पाचा बांधकाम कालावधी सुमारे साडेचार वर्षांचा असून त्यानुसार सप्टेंबर-२०२२ पर्यंत प्रकल्पाचे काम पूर्ण करण्याचे नियोजन आहे.

 समुद्रावरील ठरणार सर्वात मोठा ब्रीज

मुंबई शहर थेट रायगड जिल्ह्यातील राष्ट्रीय महामार्ग ४ वरील चिर्ले गावात पोहचणार आहे. त्यामुळे रायगड जिल्ह्यातील नाव्हा- शेव्हा बंदर आणि अलिबाग मुरूड किनार्यांपर्यंत थेट पोहचता येणार आहे. राज्य सरकारच्या या महत्वकांक्षी प्रकल्पामुळे मुंबई ते रायगड जिल्ह्यातील नाव्हा-शेव्हा परीसरात पोहचण्यासाठी लागणाऱ्या वेळेत मोठी बचत होणार आहे.

शिवडी ते नाव्हा-शेव्हा ट्रांन्स हार्बर लिंक

१) देशातील सर्वात मोठा समुद्रावरील पूल

२) एकूण लांबी २२ कीमी

३) १६ किमी समुद्रावरील पूल

४) जमिनीवरील पूल ५ कीमी

५) ६ पदरी मार्गिका

६) जपानच्या JICA या आंतरराष्ट्रीय सहकार संस्थेच्या आर्थिक सहकार्याने बांधणार.

७) प्रकल्प सप्टेंबर २०२२ पर्यंत पुर्ण करणार.

८) प्रवाशांच्या वेळेत तब्बल ३ तासांची होणार बचत.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags:
First Published: Jan 14, 2020 08:58 PM IST

ताज्या बातम्या