Mumbai : काळ आला होता पण... शिवसेना भवनच्या परिसरात बर्निंग कारचा थरार

मुंबई, 1 फेब्रुवारी : मुंबईतील शिवसेना भवनच्या परिसरात एका कारला अचनाक आग लागली. बुधवारी दुपारी या कारने क्षणात पेट घेतल्यानं वाहतुकीचा खोळंबा झाला. कारमधील प्रवासी दादरहून विरारला जात होते. त्यावेळी सेनाभवनच्या परिसरात अचानक क्लच प्लेटला आग लागल्याचं ड्रायव्हरच्या लक्षात आलं. त्यानं तातडीनं कार थांबवत प्रवाशांना उतरायला सांगितलं. ड्रायव्हरच्या प्रसंगावधानामुळे कोणतीही जीवतहानी झाली नाही.

नेमकं काय घडलं?

अरमन अहमद असं या गाडीच्या ड्रायव्हरचं नाव आहे. त्यांनी दिलेल्या माहितीनुसार सुरुवातीला गाडीतून धूर आला आणि नंतर इंजिन आणि क्लच्या प्लेटला आगल लागली. त्यानं तातडीनं ती आग विझवली. मात्र तो आणखी पाणी आणायला गेला तेव्हा गाडीनं पेट घेतला आणि गाडी जळून खाक झाली.

मुंबईचा श्वास कोंडतोय, धक्कादायक! खराब हवेमुळे नागरिकांच्या शरीरावर थेट परिणाम

अवघ्या काही क्षणामध्ये हा प्रकार घडला. त्यानंतर पोलिसांनी सेना भवन परिसरातील वाहतूक तातडीनं रोखून धरली आणि स्थानिकांच्या मदतीनं आग विझवण्याचे प्रयत्न सुरू केले. सेना भवनच्या बाजूला असलेल्या कोहिनूर स्क्वेअर इथल्या कर्मचाऱ्यांना आग लागल्याची माहिती मिळताच या कर्मचाऱ्यांनी प्रसंगावधान दाखवत त्यांच्या इमारतीचा अग्निशमन नियंत्रण पंप सुरू केला आणि आग नियंत्रण आणण्याचे प्रयत्न सुरू केले. या कर्मचाऱ्यांच्या प्रयत्नाने ही आग अखेर नियंत्रणात आली. या कारला आग लागलेली असल्याने पेट्रोल टाकी व गॅस सीएनजी टाकी फुटण्याची शक्यता लक्षात घेता तात्काळ आजूबाजूचे दुकान बंद करण्यात आली आणि परिसरातील नागरिकांना दूर नेण्यात आले.

अग्निशमन दलाचे दोन बंब घटनास्थळी दाखल झाल्यानंतर त्यांनी  उर्वरित आग नियंत्रणात आणली त्या कर्मचाऱ्यांनी गाडीचे बोनेट उघडून इंजिनमध्ये पाणी मारून आगीवर नियंत्रण आणलं. या गाडीला नेमकी आग का लागली याचा पुढील तपास सुरू आहे.