Home /News /mumbai /

BREAKING : मुंबई लोकल : रविवारी 5 व्या आणि 6 व्या मार्गावर मेगा ब्लॉक, मध्य रेल्वेने दिली माहिती

BREAKING : मुंबई लोकल : रविवारी 5 व्या आणि 6 व्या मार्गावर मेगा ब्लॉक, मध्य रेल्वेने दिली माहिती

रविवारी (13 सप्टेंबर) 5 व्या आणि 6 व्या मार्गावर मेगा ब्लॉक असणार आहे, तर मेन लाइन आणि हार्बर लाईनवर मेगा ब्लॉक नाही.

    मुंबई, 11 सप्टेंबर : कोरोना संकटकाळातही अत्यावश्यक सेवा देणाऱ्या कर्मचाऱ्यांसाठी मुंबई लोकल धावत आहे. लोकल मार्गावरील मेगा ब्लॉकबद्दल मध्य रेल्वेने परिपत्रक काढून माहिती दिली आहे. रविवारी (13 सप्टेंबर) 5 व्या आणि 6 व्या मार्गावर मेगा ब्लॉक असणार आहे, तर मेन लाइन आणि हार्बर लाईनवर मेगा ब्लॉक नाही. मध्य रेल्वे, मुंबई विभाग रविवार 13 सप्टेंबर रोजी विविध अभियांत्रिकी व देखभाल कामांसाठी 5 व्या आणि 6 व्या मार्गावर मेगा ब्लॉक संचालीत करणार आहे. ठाणे-घाटकोपर 5 व्या आणि 6 व्या मार्गावर सकाळी 11.30 ते दुपारी 4.30 मेगा ब्लॉक असेल. घाटकोपर-लोकमान्य टिळक टर्मिनस 5 व्या आणि 6 व्या मार्गावर दुपारी 1 ते दुपारी 2.30 आणि दुपारी 3.15 ते संध्याकाळी 6.45 पर्यंत तसेच दिवा-कल्याण 5 व्या आणि 6 व्या मार्गावर सकाळी 11.15 ते दुपारी 2.15 पर्यंत मेगा ब्लॉक असेल. तथापि, वेळापत्रकानुसार विशेष उपनगरी सेवा चालवल्या जातील. दरम्यान, पायाभूत सुविधा व सुरक्षिततेसाठी हा देखभाल मेगा ब्लॉक आवश्यक आहे. प्रवाशांना होणाऱ्या गैरसोयीबद्दल रेल्वे प्रशासन दिलगीर असल्याचं मध्य रेल्वेनं म्हटलं आहे.
    Published by:Akshay Shitole
    First published:

    Tags: Mumbai local

    पुढील बातम्या