एकतर्फी प्रेमातून तरुणीला ट्रेनखाली ढकललं, घटना CCTV मध्ये कैद

मुंबई 21 फेब्रुवारी: एकतर्फी प्रेमात (One Sided Love) समोरचा व्यक्ती काहीही करू शकतो याची प्रचिती याआधीही अनेकदा आली आहे. आता अशीच आणखी एक हादरवून टाकणारी घटना समोर आली आहे. यात 24 वर्षीय तरुणानं एकतर्फी प्रेमातून तरुणीला थेट चालत्या ट्रेनखाली (Train) ढकलल्याचा प्रकार घडला आहे. खार स्टेशवर ही भयंकर घटना घडली आहे.

24 वर्षीय सुमेध जाधव या तरुणाचं एका मुलीवर प्रेम होतं मात्र तिने त्याच्याशी लग्न करण्यासाठी नकार दिला याचा राग मनात धरून सुमेध ने शुक्रवारी खार स्टेशन येथे आधी स्वतः ट्रेन खाली उडी मारण्याचा प्रयत्न केला आणि नंतर त्या तरूणीला चालत्या ट्रेन खाली ढकलन्याचा प्रयत्न केला...मात्र सुदैवाने ती तरुणी बचावली..

सुमेध जाधव या तरुणाचं एका मुलीवर प्रेम होतं. मात्र, तिनं सुमेधशी लग्न करण्यास नकार दिला. याच गोष्टीचा राग मनात धरुन सुमेधनं खार स्टेशन येथे आधी स्वतः ट्रेनखाली उडी मारण्याचा प्रयत्न केला. नंतर त्यानं तरुणीला चालत्या ट्रेनखाली ढकलण्याचा प्रयत्न केला. मात्र, सुदैवानं या घटनेत तरुणी बचावली आहे.

लग्नाला नकार दिल्यानं तरुणानं एकतर्फी प्रेमातून तरुणीला धावत्या ट्रेनखाली ढकललं. खार स्टेशनवरचा हा प्रकार CCTV मध्ये कैद झाला आहे. pic.twitter.com/zQKNq1Ffxr

— News18Lokmat (@News18lokmat) February 21, 2021

दोन वर्षांपूर्वी सुमेध जाधव आणि पीडित तरुणी एकाच ठिकाणी कामाला होते. तिथेच सुमेधला तरुणीवर प्रेम झालं  आणि त्याला तिच्यासोबत लग्न करायचं होतं. मात्र, सुमेधला दारू पिण्याची सवय होती, यामुळे तरुणीनं सुमेधला नकार दिला. मात्र, त्यानंतरही सुमेधनं तरुणीचा पाठलाग सोडला नाही. सुमेधच्या त्रासाला कंटाळून तरुणीच्या घरच्यांनी निर्मल नगर पोलीस ठाण्यात तक्रारही केली होती. ज्यानंतर काही दिवस सुमेध शांत होता. मात्र, पुन्हा त्यानं तरुणीला त्रास देण्यास सुरुवात केली.

शुक्रवारी तरुणी जेव्हा खार स्टेशनवर आली तेव्हा सुमेध जाधवनं आधी स्वतः ट्रेन खाली उडी मारण्याचं नाटक केलं आणि नंतर तरुणीला चालत्या ट्रेनखाली ढकलण्याचा प्रयत्न केला. सुदैवानं तरुणी बचावली, मात्र तिच्या डोक्यावर बारा टाके पडले. यानंतर लगचेच सुमेधनं तिथून पळ काढला. पोलिसांनी याप्रकरणी तपास सुरू केला आणि अखेर सुमेधला बेड्या ठोकल्या आहेत.