11 एप्रिल : मुंबईत ठिकठिकाणी सीसीटीव्हीचं जाळं तयार झाल्यानंतर 5 महिन्यात वाहतुकीच्या नियमांचं उल्लंघन झाल्याच्या सात लाखांपेक्षा जास्त केसेस समोर आल्या आहेत. मुंबईतील सहपोलीस आयुक्त मिलिंद भारंबे यांनी याबाबतची माहिती दिली आहे.
दरम्यान, समोर आलेला हा आकडा फक्त ई-चलानचा असून हातानं देण्यात येणाऱ्या पावत्यांचा यात समावेश नसल्याचंही त्यांनी सांगितलं आहे. ई-चलानातून जमा होणारी दंडाची रक्कम कोट्यावधींमध्ये असून यात वाढ होण्याची शक्यता भारंबे यांनी बोलून दाखवली आहे.
बेदरकारपणे वाहन चालवणे, सीट बेल्ट न लावणे, नो पार्किंग, वाहन चालवताना फोनवर बोलणे, ट्रीपल सीट, सिग्नल आणि झेब्रा क्रॉसिंगचे नियमांचं उल्लंघन यासह अनेक वाहतूक नियम वाहन चालकांकडून मोडले जातात. त्या विरोधात ही कारवाईदेखील केली जाते.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.