दिशा पाटनीनं दिलेल्या वाढदिवसाच्या शुभेच्छांवर आदित्य ठाकरेंनी दिला 'हा' रिप्लाय

मुंबई, 14 जून: बॉलिवूडची प्रसिद्ध अभिनेत्री दिशा पाटनी आणि आमदार आदित्य ठाकरेंना ट्वीट करून वाढदिवसाचा खास शुभेच्छा दिल्या होत्या. दिशाच्या ट्वीटला रिप्लाय देत आदित्य यांनी दिशालाही वाढदिवसाच्या शुभेच्छा दिल्या आहेत. आदित्य ठाकरेंनी दिशाला वाढदिवसाच्या दिलेल्या शुभेच्छांनंतर आता पुन्हा एकदा सोशल मीडियावर या दोघांच्या नावाची चर्चा सुरू झाली आहे.

'धन्यवाद दिशा अशी फार कमी लोक आहेत ज्यांना मी “same to you” म्हणू शकतो. अशीच चमकत राहा…!’ दिशा पाटनी आणि आदित्य ठाकरे या दोघांचाही वाढदिवस एकाच दिवशी असतो. दोघांनीही एकमेकांनी ट्वीट करून वाढदिवसाच्या शुभेच्छा दिल्यानंतर दोघांच्या नावाची पुन्हा एकदा चर्चा सुरू झाली आहे.

Thank you so much Disha! One of those few people who I can say “same to you” on 13th of June for a birthday wish! Keep shining and rising!

— Aaditya Thackeray (@AUThackeray) June 13, 2020

दिशा पाटनीनं बुधवारी वाढदिवसानिमित्तानं आदित्य ठाकरे यांना ट्विटरवनरून शुभेच्छा दिल्या. तिनं लिहिलं, ‘वाढदिवसाच्या खूप साऱ्या शुभेच्छा आदित्य ठाकरे. असाच चमकत राहा...’ यासोबत दिशानं स्माइली आणि हार्टवाला इमोजी सुद्धा पोस्ट केला. त्यावर आदित्य ठाकरे यांनी केलेल्या ट्वीटमुळे पुन्हा चर्चांना उधाण आलं आहे.

मागच्या वर्षी एका डिनर डेटनंतर दिशा पाटनी आणि आदित्य ठाकरे यांना एकत्र पाहिलं होतं. त्यानंतर या दोघांच्या नावाच्या चर्चा रंगल्या. त्यानंतर एका मुलखातीत दिशानं आदित्य ठाकरे यांच्या कामाचं कौतुकही केलं होतं आणि त्यांच्या राजकीय कारकिर्दीलाही शुभेच्छा दिल्या होत्या.

संपादन- क्रांती कानेटकर