राष्ट्रीय महामार्गावर भली मोठी चूक, पंकजा मुंडे लिहिणार नितीन गडकरींना पत्र

मुंबई, 19 सप्टेंबर : भाजपचे (bjp) नेते आणि केंद्रीय मंत्री नितीन गडकरी (nitin gadkari) यांनी अलीकडे रस्त्याच्या कामावरून महाविकास आघाडी सरकारला पत्र लिहिले होते. त्यामुळे बराच वाद रंगला होता. पण, आता भाजपच्या नेत्या पंकजा मुंडे यांनीच पैठण पंढरपूर राष्ट्रीय महामार्गावर (Paithan Pandharpur National Highway) भेगा पडल्या असून याबद्दल गडकरींना पत्र लिहिणार असल्याचं सांगितलं आहे. पंकजा मुंडे यांनी ट्वीट करून  पैठण पंढरपूर राष्ट्रीय महामार्गावर भली मोठी भेग पडलेली असल्याचा फोटो ट्वीट केला आहे. पैठण-पंढरपूर राष्ट्रीय महामार्ग 752 ला काम पूर्ण होण्याच्या आधीच भेगा पडल्या आहेत. माननीय केंद्रीय मंत्री नितीन गडकरी यांना पत्र लिहणार आहे, असं पंकजा यांनी सांगितलं आहे.

पैठण पंढरपुर राष्ट्रीय महामार्ग 752 ला काम पूर्ण होण्याच्या आधीच भेगा पडल्या आहेत...माननीय केंद्रीय मंत्री नितीन गडकरी जी यांना पत्र लिहीनच त्यांनाही हे अजिबात चालणार नाही नाही... तात्काळ दखल घेतली जाईल... pic.twitter.com/2Txjdc6hXa

— Pankaja Gopinath Munde (@Pankajamunde) September 19, 2021

तसंच, रस्त्याच्या बांधकामात झालेली चूकही गडकरी यांनाही हे अजिबात चालणार नाही नाही. तात्काळ दखल घेतली जाईल' असं आश्वासनही पंकजा मुंडे यांनी दिलं आहे. विशेष म्हणजे, मागील महिन्यात नितीन गडकरी (nitin gadkari) यांनी मुख्यमंत्री उद्धव ठाकरे (cm uddhav thackery) यांना पत्र लिहून शिवसैनिकांची तक्रार केली होती. वाशिम जिल्ह्यातील शिवसेनेच्या कार्यकर्त्यांनी रा.मा.क्र.753 सी नागपूर ते औरंगाबाद महामार्गाच्या दुरुस्तीचे कामं बंद पाडल्याची माहिती समोर आली होती. त्यांच्या कार्यकर्त्यांकडून कंत्राटदाराला मारण्याची धमकी देऊन गाड्यांची तोडफोड करण्यात आली होती. 1 लाखात सुरू करा हा व्यवसाय, महिन्याला होईल 40000 हून अधिक नफा; पाहा डिटेल्स गडकरी यांनी वाशिममध्ये राष्ट्रीय मार्गाच्या कामात स्थानिक शिवसेना अडथळा निर्माण करत आहे असे थेट पत्र त्यांनी मुख्यमंत्री उद्धव ठाकरे यांना पाठविले होते. या पत्रानंतर शिवसेनेनं खुलासा केला होता. त्यानंतर हा वाद निवळला होता. आता राष्ट्रीय महामार्गातच भली मोठ चूक समोर आली आहे. त्यामुळे पंकजा मुंडे यांच्या नितीन गडकरी यांना पत्र लिहणार आहे.