सारखे लाइट जातायत का? मोदी सरकार देणार वीजकंपनी बदलण्याचा पर्याय

मोदी सरकारने आता ग्राहकांना एक मोठी सुविधा दिली आहे. तुमची वीज कंपनी जर तुम्हाला चांगली सेवा देत नसेल तर ती कंपनी तुम्ही बदलू शकता.

News18 Lokmat | Updated On: Aug 28, 2019 06:47 PM IST

सारखे लाइट जातायत का? मोदी सरकार देणार वीजकंपनी बदलण्याचा पर्याय

दिल्ली, 28 ऑगस्ट : मोदी सरकारने आता ग्राहकांना एक मोठी सुविधा दिली आहे. तुमची वीज कंपनी जर तुम्हाला चांगली सेवा देत नसेल तर ती कंपनी तुम्ही बदलू शकता. सध्या फोन कंपनीबद्दल अशी सोय आहे.

एकाच भागात वीज वितरण करणाऱ्या जास्त कंपन्या असाव्यात, असं सरकारने म्हटलं आहे. त्यामुळेच 3 महिन्यात खाजगी कंपन्यांची निवड करण्याची प्रक्रिया सुरू करण्याच्या सूचना देण्यात आल्या आहेत.

वीज वितरण क्षेत्रात जर खाजगी कंपन्या आल्या तर वीजपुरवठ्याचा दर्जा वाढेल. या वीजबिलाची वसुली आणि वीजजोडणी हे दोन्ही त्या खाजगी कंपन्यांचीच जबाबदारी असेल.

वीजखरेदीचे अधिकार सरकार स्वत:कडेच ठेवणार आहे. वितरणाचे अधिकारही सरकारकडेच असतील. फक्त वीजपुरवठ्याचे अधिकार खाजगी कंपनीला दिले जातील. याचं कमिशन सरकारी कंपनीकडेच असेल.या सुधारणा करण्यासाठी सरकार इलेक्ट्रिसिटी अॅक्टमध्ये बदल करणार आहे. कारण त्यासाठी फ्रँचाइजी मॉडेल राबवलं जाणार आहे.

SBI ATM चे नियम बदलणार, ATM PIN सोबत हा नंबरही गरजेचा

Loading...

मोबाइल फोनची सेवा चांगली मिळत नसेल तर आपण मोबाइलचं नेटवर्क बदलतो. तसंच वीज कंपनीची सेवा आवडली नाही तर ती कंपनीच बदलण्याचा अधिकार आपल्याला मिळू शकतो.

बऱ्याच वेळा वीजबिल, लोडशेडिंग याबद्दलच्या तक्रारी असतात. भरमसाठ वीजबिलाची तक्रार असेल तरी बिलाची रक्कम भरल्याशिवाय गत्यंतर नसतं. अशा वेळी वीजपुरवठ्याची कंपनी बदलायचा पर्याय असेल तर ग्राहकांचं नुकसानही होणार नाही.

सरकारने यासाठी काही अटीही घातल्या आहेत. जर एखादी सरकारी वीजवितरण कंपनी हे मॉडेल राबवत नसेल तर या कंपनीला कर्जपुरवठा केला जाणार नाही.

==================================================================================

VIDEO: खासदार अमोल कोल्हेंनी सुरेश धस यांची उडवली खिल्ली

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Aug 28, 2019 06:47 PM IST
Loading...

ताज्या बातम्या

Loading...