Gainers & Losers: तेजीत असणाऱ्या शेअर्समध्ये आज प्रॉफिट बुकिंग; 'हे' शेअर्स गडगडले

मुंबई, 20 ऑक्टोबर : आज सलग दुसऱ्या दिवशी शेअर मार्केटमध्ये घसरण पाहायला मिळाली. बाजार सुरु झाल्यानंतर जोरदार सुरुवात केल्यानंतर पुन्हा पडझड पाहायला मिळाली. आज लहान-मध्यम शेअर्समध्येही विक्री दिसून आली आहे. बीएसई मिडकॅप इंडेक्स 1.69 टक्के आणि स्मॉलकॅप इंडेक्स 2 टक्क्यांनी घसरला. शेअर बाजार बंद झाला त्यावेळी सेन्सेक्स 456.09 अंकांनी म्हणजेच 0.74 टक्क्यांनी खाली 61259.96 वर बंद झाला. तर निफ्टी 152.15 अंक म्हणजेट 0.83 टक्क्यांनी खाली 18,266.60 वर बंद झाली.

आज सर्वाधिक हालचाल असलेले शेअर्स

ज्युबिलेंट फूडवर्क्स (Jubilant Foodworks ) CMP : 3965.65 रुपये

दुसऱ्या तिमाहीच्या निकालानंतर, आज या शेअरमध्ये प्रॉफिट बुकिंग झाली आणि शेअर 8 टक्क्यांहून खाली घसरला. दुसऱ्या तिमाहीत कंपनीची कमाई 805.5 कोटी रुपयांवरून 1,101 कोटी रुपये झाली, तर EBITDA मार्जिन 26.6 टक्क्यांवरून 26 टक्क्यांपर्यंत घसरली. त्याच वेळी, EBITDA 214.6 कोटी रुपयांवरून 286 कोटी रुपयांपर्यंत वाढले आहे.

IPCA Laboratories - CMP : 2,290 रुपये

शेअर डिविजनच्या बातम्यांच्या दरम्यान हा शेअर आज 2 टक्के खाली आला आहे. IPCA Laboratoriesने बुधवारी सांगितले की त्यांची बोर्ड मीटिंग शनिवार, 13 नोव्हेंबर 2021 रोजी होणार आहे. ज्यात कंपनीचा एक हिस्सा 2 शेअर्समध्ये करण्याचा प्रस्ताव विचारात घेतला जाईल. यासह, 2021-22 आर्थिक वर्षासाठी अंतरिम डेविडेंट देखील या बोर्ड बैठकीत विचारात घेतला जाईल. 23 नोव्हेंबर ही या डेविडेंडची रेकॉर्ड डेट असेल.

Sachin Bansal यांनी या मल्टीबॅगर स्टॉकमध्ये वाढवली गुंतवणूक, तुमच्याकडे आहे का हा शेअर?

दीपक फर्टिलायझर (Deepak Fertilisers) CMP : 418.60 रुपये

या शेअरमध्येही आज सुमारे 3 टक्के घसरण दिसून आली. कंपनीच्या बोर्डाने 422.48 रुपयांच्या फ्लोअर प्राइसवर शेअर्स जारी करून पैसे उभारण्याच्या प्रस्तावाला मंजुरी दिली आहे.

एसीसी (ACC) CMP: Rs 2260.10

हा शेअर आज ग्रीन कँडलमध्ये बंद झाला आहे. तिसऱ्या तिमाहीत एसीसीच्या नफ्यात जवळपास 24 टक्के वाढ झाली. कंपनीच्या महसुलातही 6 टक्के वाढ झाली आहे. वॉल्युम ग्रोथ किरकोळ वाढून 6.57 दशलक्ष टनावर पोहोचली आहे.

ऐन सणासुदीला भाजीपाल्याबरोबर कांदाही रडवणार! महिन्याभरात दुप्पट झाले भाव

नेस्ले इंडिया (Nestle India) CMP : 19,258.40 रुपये

या शेअरमध्येही आज घसरण झाली. दुसऱ्या तिमाहीत कंपनीचा नफा 5.2 टक्क्यांनी वाढून 617.4 कोटी रुपये झाला. विशेष म्हणजे गेल्या वर्षीच्या तिसऱ्या तिमाहीत कंपनीचा नफा 587.1 कोटी रुपये होता. या कालावधीत कंपनीचा नफा 625 कोटी रुपये होता. तिसऱ्या तिमाहीत कंपनीचे उत्पन्न दरवर्षी 9.6 टक्क्यांनी वाढून 3,882.6 कोटी रुपये झाले. तर ते 3,860 कोटी रुपये होण्याचा अंदाज होता. गेल्या वर्षीच्या तिसऱ्या तिमाहीत कंपनीचे उत्पन्न 3,541.7 कोटी रुपये होते.

एनबीसीसी इंडिया (NBCC India) CMP: 46.15 रुपये

आज या शेअरमध्ये 2 टक्क्यांपेक्षा जास्त घसरण झाली आहे. कंपनीची 375.30 कोटी रुपयांच्या प्रकल्पांसाठी प्रोजेक्ट मॅनेजमेंट कन्सल्टन्सीसाठी निवड करण्यात आली आहे.

IRCTC च्या शेअरमध्ये दुसऱ्या दिवशीही 18 टक्क्यांनी घसरण

हनीवेल ऑटोमेशन (Honeywell Automation) CMP : 42,420 रुपये

या शेअरमध्येही आज पडझड पाहायला मिळाली. भारत सरकारने जाहीर केलेल्या निर्भया फंडाअंतर्गत आपल्या बंगलोर सेफ सिटी प्रकल्पासाठी बोली जिंकण्यात कंपनील यश आलं आहे, अशी माहिती कंपनीन दिली. हा प्रकल्प 496.57 कोटी रुपयांचा आहे.

रॅलिस इंडिया (Rallis India) CMP : 282.45 रुपये

Q2FY22 मधील कंपनीचा नफा गेल्या वर्षीच्या दुसऱ्या तिमाहीत 82.95 कोटी रुपयांवरून 56.49 कोटी रुपयांवर आला आहे. या बातमीमुळे हा साठा आज 7 टक्के खाली आला आहे.