Home /News /money /

SBI ने पैसे काढण्यासाठी बदलले नियम, नवी प्रक्रिया समजून घ्या अन्यथा ट्रान्जॅक्शन थांबेल

SBI ने पैसे काढण्यासाठी बदलले नियम, नवी प्रक्रिया समजून घ्या अन्यथा ट्रान्जॅक्शन थांबेल

नव्या नियमामुळे ग्राहकांना ऑनलाइन बँकिंग (Online Banking) फसवणुकीपासून वाचवता येईल. ऑनलाइन फसवणुकीचे वाढते प्रमाण लक्षात घेता, SBI ने YONO अॅपमध्ये (SBI YONO Bank) हे नवीन अपग्रेड केले आहे.

    मुंबई, 19 डिसेंबर : देशातील सर्वात मोठी सरकारी बँक असलेल्या स्टेट बँक ऑफ इंडियाने (State Bank od India) ग्राहकांच्या सुरक्षिततेसाठी नियमांमध्ये बदल केले आहेत. नवीन नियमानुसार, आता ग्राहक स्टेट बँकेच्या YONO अॅप्लिकेशनमध्ये फक्त त्याच फोन नंबरवरून लॉग-इन करू शकतात ज्याची बँक खात्यात नोंदणी केली जाईल. या नियमानंतर तुम्ही कोणत्याही फोन नंबरवरून बँकेची सेवा घेऊ शकत नाही. बँकेचे म्हणणे आहे की, या नव्या नियमामुळे ग्राहकांना ऑनलाइन बँकिंग (Online Banking) फसवणुकीपासून वाचवता येईल. ऑनलाइन फसवणुकीचे वाढते प्रमाण लक्षात घेता, SBI ने YONO अॅपमध्ये (SBI YONO Bank) हे नवीन अपग्रेड केले आहे. यामुळे ग्राहकांचे व्यवहार पूर्वीपेक्षा अधिक सुरक्षित होतील आणि ते ऑनलाइन फसवणुकीला (Online fraud) बळी पडण्यापासून वाचतील. एसबीआयने माहिती दिली आहे की नवीन नोंदणीसाठी, ग्राहकांनी तोच फोन वापरावा ज्यामध्ये त्यांनी बँकेत नोंदणी केली आहे. आता या नवीन नियमानुसार, तुम्ही कोणत्याही फोनद्वारे अॅपमध्ये लॉग इन करू शकत नाही, तर पूर्वीचे ग्राहक कोणत्याही फोनवरून लॉग इन करू शकत होते. SBI ची नवीन अपडेट ATM फसवणुकीच्या वाढत्या घटना लक्षात घेता स्टेट बँक ऑफ इंडियाने एटीएम ऑपरेशन्सची सुरक्षा सुधारली आहे. या अपग्रेडनंतर, जेव्हा तुम्ही एटीएममधून 10 हजार किंवा त्याहून अधिक रुपये काढण्यासाठी जाल, तेव्हा तुमच्या नोंदणीकृत मोबाइल नंबरवर बँकेकडून एक ओटीपी येईल, जो एटीएम मशीनमध्ये टाइप करावा लागेल. ओटीपी टाकल्यानंतरच तुम्ही एटीएममधून पैसे काढू शकाल. तर 9,999 रुपये किंवा त्यापेक्षा कमी पैसे काढण्यासाठी OTP सांगावा लागणार नाही. रात्री 8 नंतर सकाळी 8 वाजेपर्यंत 10,000 रुपयांपेक्षा जास्त रोख काढण्यासाठी, मोबाइल फोनवर प्राप्त झालेल्या डेबिट कार्ड पिनसह OTP एंटर करणे आवश्यक आहे. ही सुविधा स्टेट बँकेच्या सर्व एटीएममध्ये उपलब्ध आहे. SBI नसलेल्या ATM मध्ये OTP आधारित पैसे काढणे उपलब्ध नाही.
    Published by:Pravin Wakchoure
    First published:

    Tags: Bank, SBI

    पुढील बातम्या