Petrol-Diesel Price Today: मंगळवारच्या पेट्रोल-डिझेल दरवाढीनंतर काय आहे आजचा भाव, इथे तपासा लेटेस्ट रेट

नवी दिल्ली, 29 सप्टेंबर : IOCL ने आज बुधवारी पेट्रोल-डिझेल दर (Petrol-Diesel Price Today) जारी केले आहेत. तेल कंपन्यांकडून आज इंधन दरात कोणतीही वाढ करण्यात आलेली नाही. इंडियन ऑइल कॉर्पोरेशन (IOCL) नुसार, दिल्लीत पेट्रोल 101.39 रुपये प्रति लीटर आणि डिझेल 89.57 रुपये प्रति लीटर आहे. मुंबईत पेट्रोलचा भाव 107.47 रुपये प्रति लीटरवर पोहोचला आहे.

सरकारी तेल कंपन्यांनी जवळपास 22 दिवसांनंतर काल मंगळवारी 28 सप्टेंबर रोजी पेट्रोल दरात वाढ (Petrol price hike) केली होती. तर सलग चौथ्या दिवशी डिझेल किंमतीतही वाढ करण्यात आली होती. मंगळवारी पेट्रोल दरात 20 पैसे वाढ करण्यात आली, तर डिझेलचा दर 25 पैशांनी वाढवण्यात आला.

4 दिवसांत डिझेल दरात 4 वेळा वाढ -

देशभरात मागील 4 दिवसांत डिझेल दरात 4 वेळा वाढ झाली आहे. या चार दिवसांत डिझेल 95 पैसे प्रति लीटरने महागलं. भारतीय तेल कंपन्यांनी 24 सप्टेंबर रोजी 20 पैसे, तर 26 सप्टेंबरला 25 पैसे वाढ केली होती. 27 सप्टेंबरला पुन्हा 25 पैशांची वाढ झाली. त्यानंतर 28 सप्टेंबरला पुन्हा 25 पैशांची वाढ करण्यात आली. पेट्रोल दर मागील 22 दिवसांपासून स्थिर होता, परंतु मंगळवारी पेट्रोल दरात पुन्हा वाढ झाली.

आणखी वाढू शकतो पेट्रोल-डिझेल दर -

आंतरराष्ट्रीय स्तरावर तेल दरात सलग पाचव्या दिवशी वाढ झाली आहे. आंतरराष्ट्रीय स्तरावर कच्च्या तेलाच्या किंमती तीन वर्षांत पहिल्यांदा 80 डॉलर प्रति बॅरल जवळपास पोहोचू शकतात. सध्या कच्च्या तेलाच्या किंमतीत दिलासा मिळण्याची शक्यता नाही. त्यामुळे देशात पेट्रोल-डिझेलच्या किंमती वाढू शकतात.

'या' दोन शेअर्सने Rakesh Jhunjhunwala मालामाल, महिन्याभरात मिळाले 893 कोटी

चार महानगरातील पेट्रोल-डिझेल दर (Petrol Diesel Price on 29 September 2021) -

>> दिल्लीत पेट्रोल 101.39 रुपये आणि डिझेल 89.57 रुपये प्रति लीटर

>> मुंबईत पेट्रोल 107.47 रुपये आणि डिझेल 97.21 रुपये प्रति लीटर

>> चेन्नईमध्ये पेट्रोल 99.15 रुपये आणि डिझेल 94.17 रुपये प्रति लीटर

>> कोलकातामध्ये पेट्रोल 101.87 रुपये आणि डिझेल 92.67 रुपये प्रति लीटर

LPG Cylinder Subsidy: पुन्हा मिळू शकेल LPG वर सब्सिडी, सरकारचा मास्टर प्लॅन

देशातील तीन ऑईल मार्केटिंग कंपन्या HPCL, BPCL आणि IOC रोज सकाळी 6 वाजता पेट्रोल-डिझेलचे नवे दर जाहीर करतात. तसंच मोबाइल फोनवर SMS द्वारे दर तपासू शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. आयओसीएलच्या वेबसाइटवर तुम्हाला हा कोड मिळेल.