Home /News /money /

Cibil Score: चांगल्या क्रेडिट स्कोअरसाठी या गोष्टी लक्षात ठेवा, अन्यथा लोन मिळणे होईल कठीण

Cibil Score: चांगल्या क्रेडिट स्कोअरसाठी या गोष्टी लक्षात ठेवा, अन्यथा लोन मिळणे होईल कठीण

कर्ज घेण्यापूर्वी प्रत्येकाने नेहमी आपला क्रेडिट स्कोर तपासला पाहिजे. साधारणपणे 750 किंवा त्यापेक्षा जास्त क्रेडिट स्कोअर चांगला मानला जातो. जर तुमचा स्कोअर कमी असेल तर खालील स्टेप्स करून त्यात सुधारणा करता येईल.

    मुंबई, 29 मे : आर्थिक गरजा भागवण्यासाठी अनेकदा कर्ज घ्यावे लागते. घर किंवा गाडी घेण्यासाठी, मुलांच्या शिक्षणासाठी किंवा तातडीच्या कामासाठी कर्ज घ्यावे लागते. बँकेकडून कर्ज घेताना क्रेडिट स्कोअर तपासला जातो. तुमचा क्रेडिट स्कोअर (Credit Score) चांगला असेल तर तुम्ही बँकेकडून लगेच कर्ज (Loan) मिळवू शकता. एवढेच नाही तर कर्जाच्या व्याजावरही लाभ मिळतो. तुमचा क्रेडिट स्कोअर चांगला नसेल तर कर्जाचा अर्ज नाकारला जाऊ शकतो किंवा कर्ज पास झाले की तुम्हाला जास्त व्याज द्यावे लागेल. म्हणून, कर्ज घेण्यापूर्वी प्रत्येकाने नेहमी आपला क्रेडिट स्कोर तपासला पाहिजे. साधारणपणे 750 किंवा त्यापेक्षा जास्त क्रेडिट स्कोअर चांगला मानला जातो. जर तुमचा स्कोअर कमी असेल तर खालील स्टेप्स करून त्यात सुधारणा करता येईल. पेमेंटची तारीख लक्षात ठेवा (Payment Date) साधारणपणे असे दिसून येते की बरेच लोक क्रेडिट कार्डने अनेकदा खरेदी करतात. पण पैसे भरण्याची शेवटची तारीख त्यांना आठवत नाही. प्रत्येक वेळी देय तारीख माहित असणे गरजेचं आहे. वेळेवर पेमेंट करण्यासाठी तारीख नेहमी लक्षात ठेवा. थोडासा निष्काळजीपणा तुमचा क्रेडिट स्कोर खराब करू शकतो. Masked Aadhar Card: मास्क्ड आधारकार्डबद्दल माहित आहे का? कुठे केला जातो वापर? चेक करा सर्वकाही कार्ड मर्यादा पुन्हा पुन्हा वाढवू नका (Credit Card Limit) जर एका महिन्यात खर्च जास्त झाला तर लोक त्यांच्या क्रेडिट कार्डची मर्यादा वाढवतात, तसे करू नये. तुम्ही कार्डची मर्यादा वारंवार वाढवल्यास तुमच्या क्रेडिट स्कोअरवर परिणाम होतो. त्यामुळे तुमच्या गरजेनुसार खर्च करावा. जेणेकरून तुम्हाला बिल भरताना कोणत्याही प्रकारची अडचण येऊ नये. क्रेडिट रिपोर्टमध्ये चुकीची माहिती (Credit Report) कधीकधी क्रेडिट अहवालातील त्रुटी चुकीच्या किंवा विलंबित अहवालामुळे असू शकतात. तज्ञांच्या मते, प्रत्येकाने आपला क्रेडिट रिपोर्ट तपासला पाहिजे. जर काही चूक असेल तर ती त्वरित दुरुस्त करावी. अन्यथा, कर्ज घेताना तुम्हाला कोणत्याही अडचणींना सामोरे जावे लागणार नाही. तुमच्याकडील 500, 2000 ची नोट बनावट तर नाही ना? रिझर्व्ह बँकेच्या रिपोर्टने वाढली चिंता सेटलमेंट नव्हे तर कर्ज संपवा कर्ज घेण्यापूर्वी, आपण आपली जुनी कर्ज लक्षात ठेवावे. बँका तुमच्या क्रेडिट स्कोअरची हिस्ट्री देखील चेक करतात की जुन्या कर्जाची परतफेड केली गेली आहे की नाही. सेटलमेंटचा क्रेडिट स्कोअरवरही परिणाम होतो. म्हणून, कर्ज सेटल करू नका, नेहमी कर्ज पूर्णपणे संपवा. जास्त कर्ज आणि क्रेडिट कार्ड घेणे टाळा बरेच लोक आहेत जे खूप कर्ज घेतात किंवा त्यांच्याकडे जास्त क्रेडिट कार्ड असतात. कधीकधी अशी परिस्थिती उद्भवते की ईएमआयचा बोजा खूप जास्त होतो. तुम्ही वेळेवर हप्ते भरले नाहीत तर तुमचा क्रेडिट स्कोअर खराब होतो. त्यामुळे तुम्ही तुमच्या मर्यादेत राहूनच कर्ज आणि क्रेडिट कार्ड घ्या.
    Published by:Pravin Wakchoure
    First published:

    Tags: Credit card, Loan, Money

    पुढील बातम्या