Home /News /money /

Mutual Fund: महिन्याला फक्त 1000 रुपयांची गुंतवणूक तुम्हाला बनवेल करोडपती! संपूर्ण कॅलक्युलेशन समजून घ्या

Mutual Fund: महिन्याला फक्त 1000 रुपयांची गुंतवणूक तुम्हाला बनवेल करोडपती! संपूर्ण कॅलक्युलेशन समजून घ्या

सध्या बाजारात गुंतवणुकीचे अनेक पर्याय उपलब्ध आहेत. यात म्युच्युअल फंडचा देखील समावेश आहे. म्युच्युअल फंडमध्ये 1000 रुपयांची दर महिन्याला गुंतवणूक करुन एक कोटीहून अधिकची रक्कम उभारली जाऊ शकते.

    मुंबई, 11 एप्रिल : सिस्टिमॅटिक इन्व्हेस्टमेंट प्लॅन (SIP) हा म्युच्युअल फंडाद्वारे ऑफर केलेला गुंतवणूक पर्याय (Investment Option) आहे. यात मासिक, त्रैमासिक किंवा वार्षिक गुंतवणूक करण्याचा आणि दीर्घ कालावधीसाठी (Long Term) मोठी रक्कम जमा करण्याचा पर्याय देते. त्याचप्रमाणे तुम्ही दर महिन्याला फक्त 1000 रुपये वाचवले तर तुम्ही करोडपती होऊ शकता. यासाठी फक्त SIP सुरू करणे आवश्यक आहे. SEBI मध्ये नोंदणीकृत कर आणि गुंतवणूक तज्ञ जितेंद्र सोलंकी म्हणतात की एक गुंतवणूकदार 1000 रुपयांच्या मासिक म्युच्युअल फंड SIP द्वारे करोडपती होऊ शकतो. त्यांचे म्हणणे आहे की ज्यांनी आपले करिअर सुरू केले आहे ते दीर्घकालीन म्युच्युअल फंडात गुंतवणूक (Mutual Fund Investment) करू शकतात. यासाठी SIP हा चांगला पर्याय आहे. मात्र अशा गुंतवणूकदारांना त्यांच्या मासिक गुंतवणुकीची रक्कम वाढवत राहण्याचा सल्ला दिला जातो. Gold Price Today : सोन्याच्या किमतीत वाढ, चांदीही महागली; चेक करा एक तोळे सोन्याचे नवे दर 10-15 टक्के स्टेप-अप ठेवा लाइव्ह मिंटच्या मते, वार्षिक SIP स्टेप-अप गुंतवणूकदाराला त्याची मासिक SIP रक्कम सर्वात कमी पातळीवर ठेवण्यास मदत करते. वार्षिक म्युच्युअल फंड SIP स्टेप-अप किती राखले जाऊ शकते यावर, सोलंकी म्हणतात की गुंतवणूकदाराची मासिक कमाई आणि खर्च यावर अवलंबून ते 10 टक्के ते 15 टक्क्यांपर्यंत असू शकते. जर कोणत्याही गुंतवणूकदाराने असे केले तर तो दरमहा 1000 रुपयांची SIP सुरू करून 25-30 वर्षांत करोडपती होऊ शकतो. यामध्ये, 10-15 टक्के एसआयपी स्टेप-अप कायम ठेवावा लागेल. इक्विटी म्युच्युअल फंडामध्ये 25 ते 30 वर्षे गुंतवणूक केल्यानंतर किमान 15 टक्के वार्षिक परतावा अपेक्षित असल्याचे त्यांनी सांगितले. Multibagger Stock: 'या' शेअरमुळे गुंतवणूकदार मालामाल, दोन वर्षात एक लाख बनले 18.25 लाख 1.27 कोटींचा मोठा निधी मिळू शकतो मायफंडबझार इंडिया प्रायव्हेट लिमिटेडचे ​​संस्थापक आणि सीईओ विनीत खंदारे म्हणतात की, जर एखाद्या गुंतवणूकदाराने 30 वर्षांच्या कालावधीसाठी इक्विटी म्युच्युअल फंड एसआयपीमध्ये दरमहा 1000 रुपये गुंतवले तर 15 टक्के वार्षिक परतावा पाहता 63,55,414 रुपयांचा फंड तयार होईल. जर गुंतवणूकदाराने त्याचा SIP स्टेप-अप वार्षिक 10 टक्के पातळीवर ठेवला, तर त्याला मॅच्युरिटीवर सुमारे 1.27 कोटी रुपयांचा निधी मिळू शकतो. कॅलक्युलेशन समजून घ्या जर एखादा गुंतवणूकदार दर महिन्याला 1000 रुपये महिना SIP सुरू केली आणि 10 टक्के स्टेप-अपसह 30 वर्षे गुंतवणूक केली तर त्याची एकूण गुंतवणूक 19,73,928 रुपये होईल. 15% वार्षिक रिटर्नसह, त्याला या रकमेवर 1,07,24,888 चा परतावा मिळेल. अशा प्रकारे त्याला मॅच्युरिटीवर 1.27 कोटी रुपये मिळू शकतात. अशा प्रकारे 2.25 कोटींचा निधी मिळू शकतो जर एखाद्या गुंतवणूकदाराने 1000 रुपयांपासून मासिक एसआयपी सुरू केली आणि संपूर्ण गुंतवणुकीच्या कालावधीसाठी 15 टक्के स्टेप-अप राखले, तर मॅच्युरिटीवर 15 टक्के वार्षिक रिटर्न, त्याला सुमारे 2.25 कोटी रुपये मोठा निधी मिळेल.
    Published by:Pravin Wakchoure
    First published:

    Tags: Investment, Money, Mutual Funds

    पुढील बातम्या