मराठी बातम्या /बातम्या /मनी /

Business Idea: दरमहा होईल 5 लाखांची कमाई, ‘या’ उत्पादनाला प्रचंड मागणी, व्यवसाय सुरू करा

Business Idea: दरमहा होईल 5 लाखांची कमाई, ‘या’ उत्पादनाला प्रचंड मागणी, व्यवसाय सुरू करा

Business Ideas: नोकरीची चिंता सोडा! अगदी कमी गुंतवणुकीत सुरू करा ‘हा’ व्यवसाय, दर महिन्याला होईल बंपर कमाई

Business Ideas: नोकरीची चिंता सोडा! अगदी कमी गुंतवणुकीत सुरू करा ‘हा’ व्यवसाय, दर महिन्याला होईल बंपर कमाई

Business Idea: जर तुम्हाला कार्टनच्या व्यवसायात प्रवेश करायचा असेल, तर तुम्ही आधी त्याच्या उत्पादनाशी संबंधित सर्व माहिती मिळवावी. मोबाईलपासून टीव्हीपर्यंत, चपलांपासून ते काचेच्या वस्तू किंवा किराणा सामानापर्यंत, पुठ्ठ्याचे बॉक्स मोठ्या प्रमाणात वापरले जात आहेत.

पुढे वाचा ...
  • News18 Lokmat
  • Last Updated :
  • Mumbai, India
  • Published by:  Suraj Sakunde

मुंबई, 25 सप्टेंबर: सरकारनं देशात प्लास्टिकच्या वापरावर बंदी घातली आहे. प्लास्टिक पिशव्यांपासून ते चाकूपर्यंत बंदी घालण्यात आली आहे. प्लॅस्टिक बंदीनंतर पॅकिंगला पर्याय म्हणून सध्या कार्टनचा वापर मोठ्या प्रमाणावर केला जात आहे. याआधी पॅकिंगसाठीही कार्टनचा वापर केला जात होता, मात्र प्लास्टिक बंदीनंतर त्याची मागणी खूपच वाढली आहे. आजकाल तुम्हाला व्यवसायाच्या जगात पाऊल ठेवायचं असेल तर तुम्ही कार्टन बनवण्याचा व्यवसाय सुरू करू शकता. ऑनलाइन शॉपिंगचं प्रमाण वाढत आहे. त्यामुळं कार्टन व्यवसायात यशाच्या अनेक शक्यता आहेत. कारण ऑनलाइन वस्तू विकणारे विक्रेते आजकाल कार्टनमध्ये उत्पादनं वितरीत करत आहेत.

 कार्टन बॉक्सची वाढती मागणी-

आजकाल, लहान वस्तूंच्या ऑनलाइन वितरणामुळे, पुठ्ठ्याच्या बॉक्सचा वापर देशात खूप वाढला आहे. मोबाईलपासून टीव्हीपर्यंत, चपलांपासून ते काचेच्या वस्तू किंवा किराणा सामानापर्यंत, पुठ्ठ्याचे बॉक्स मोठ्या प्रमाणात वापरले जात आहेत. त्यामुळे कार्टनच्या व्यवसायात यश मिळण्याच्या अनेक शक्यता आहेत. बर्‍याच कंपन्या त्यांच्या उत्पादनांच्या वितरणासाठी विशेष प्रकारचे कार्टन बॉक्स वापरतात.

जर तुम्हाला कार्टनच्या व्यवसायात प्रवेश करायचा असेल, तर तुम्ही आधी त्याच्या उत्पादनाशी संबंधित सर्व माहिती मिळवावी. तुमची इच्छा असल्यास, तुम्ही व्यवसायात पाऊल ठेवण्यापूर्वी त्याबद्दल अभ्यास करू शकता. यासाठी तुम्ही इंडियन इन्स्टिट्यूट ऑफ पॅकेजिंगमधून कोर्स करून हा व्यवसाय सुरू करू शकता.

 कच्चा माल आवश्यक-

क्राफ्ट पेपरचा वापर प्रामुख्याने पुठ्ठ्याचे कार्टन्स बनवण्यासाठी केला जातो. सर्वोत्तम दर्जाचा क्राफ्ट पेपर वापरा. तुम्ही तितकेच उत्तम कार्टन बनवू शकाल. यासोबत तुम्हाला पिवळा स्ट्रॉबोर्ड, गोंद आणि शिवणाची तार लागेल. हा व्यवसाय सुरू करण्यासाठी, तुम्हाला सिंगल फेस पेपर कॉरुगेशन मशीन, रील स्टँड लाइट मॉडेलसह बोर्ड कटर, शीट पेस्टिंग मशीन, शीट प्रेसिंग मशीन, इसेन्ट्रिक स्लॉट यासारख्या मशीनची आवश्यकता असेल.

हेही वाचा: पोस्टाच्या 'या' योजनेत दररोज भरा 95 रुपये; मुदतीनंतर मिळतील 14 लाखांसह अनेक फायदे

 किती खर्च येईल?

जर तुम्हाला या व्यवसायात उतरायचे असेल तर आधी तुम्हाला सुमारे 5,500 चौरस फूट जागा लागेल. जर तुमच्याकडे तेवढी जागा उपलब्ध असेल, तर तुम्हाला मशीन घेण्यासाठी पैसे खर्च करावे लागतील. सेमी ऑटोमॅटिक मशिनच्या सहाय्याने मोठ्या प्रमाणावर हा व्यवसाय सुरू करायचा असेल तर तुम्हाला सुमारे 20 लाख रुपये खर्च करावे लागतील. त्याच वेळी, पूर्णपणे स्वयंचलित मशीन खरेदी करण्यासाठी, तुम्हाला सुमारे 50 लाख रुपये गुंतवावे लागतील.

एकदा पूर्ण सेटअप झाल्यानंतर, तुम्हाला जवळच्या पॅकेजिंग एजन्सीशी संपर्क साधावा लागेल आणि त्यांना तुमचे बॉक्सचे नमुने दाखवावे लागतील. अशा प्रकारे तुम्ही त्यांच्याकडून ऑर्डर घेऊन कार्टन बनवू शकता. आगामी काळात कार्टनची मागणी झपाट्यानं वाढणार आहे. कारण ऑनलाइन खरेदी करणाऱ्यांची संख्या सातत्यानं वाढत आहे.

 तुम्ही किती कमावणार?

जर तुम्ही तुमच्या उत्पादनासाठी एक उत्तम पुरवठा साखळी तयार केली तर तुम्ही दरमहा मोठी कमाई कराल. या व्यवसायात नफ्याचं प्रमाण खूप चांगलं आहे. दुसरीकडे मागणीही कायम आहे. जर तुम्ही चांगल्या ग्राहकांशी करार केलात तर दरमहा चार ते सहा लाख रुपये सहज कमावता येतील.

 कर्ज मिळू शकते-

भारतात कोणत्याही प्रकारचा व्यवसाय सुरू करण्यासाठी, व्यवसायाची योग्य नोंदणी आवश्यक आहे. हा व्यवसाय सुरू करण्यासाठी तुम्ही एमएसएमई नोंदणी किंवा उद्योगासाठी नोंदणी करू शकता. यातून तुम्हाला सरकारी मदत मिळू शकते. मुद्रा योजनेंतर्गत तुम्ही सरकारी बँकांकडून सुलभ व्याजदरावर कर्ज देखील मिळवू शकता.

First published:

Tags: Business, Business News