Home /News /money /

Gold Rate Today: सोन्याचा दर 47 हजारांपार, काय आहे तुमच्या शहरातील आजचा भाव

Gold Rate Today: सोन्याचा दर 47 हजारांपार, काय आहे तुमच्या शहरातील आजचा भाव

Gold Rate today in Maharashtra: गेल्या वर्षी ऑगस्ट महिन्यात MCX वर सोन्याचा दर 56,200 रुपये प्रति तोळाच्या सर्वोच्च पातळीवर होता. त्या तुलनेत आज सोन्याचा भाव साधारण 8000 रुपयांपेक्षा कमी आहे.

    मुंबई, 08 डिसेंबर: सध्या लग्नसराईचा काळ सुरू आहे. या कालावधीमध्ये मोठ्या प्रमाणात सोनेखरेदी केली जाते, खास करुन भारतात सोनेखरेदीला विशेष पसंती आहे. आपल्या देशात सोन्याला धार्मिक महत्त्व देखील आहे. त्यामुळे तुम्ही देखील सोने खरेदी करण्याचा विचार करत असाल तर ही बातमी तुमच्यासाठी महत्त्वाची आहे. सोनेखरेदी करण्यासाठी बाजारात जाण्यापूर्वी आजचा सोन्याचा दर काय आहे हे जाणून घेणे आवश्यक आहे. MCX वर सोन्याचांदीचा दर MCX वर आज सोन्याच्या दरात किंचित वाढ झाली आहे तर चांदी स्वस्त झाली आहे. आज, बुधवार 8 डिसेंबर रोजी, मल्टी कमोडिटी एक्सचेंज वर फेब्रुवारीसाठी फ्युचर्स गोल्डची किंमत 69 रुपयांनी वाढली आहे, अर्थात सोन्याच्या दरात 0.14 टक्क्यांनी वाढ झाली आहे. या वाढीनंतर सोन्याचा भाव 48,129.00 रुपयांवर आहे. तर मार्चच्या डिलिव्हरीच्या चांदीची वायदा किंमत 74.00 रुपयांनी घसरून 61,754.00 वर पोहोचली आहे. आज चांदीच्या दरात 0.12 टक्क्यांची घसरण झाली आहे. हे वाचा-Reliance चा ऐतिहसिक करार, TA’ZIZ सोबत करणार रसायनांची निर्मिती महाराष्ट्रातील विविध शहरात आज 24 कॅरेट सोन्याचा दर 47 हजारांपेक्षा जास्त आहे. तर 22 कॅरेट सोन्याचा भाव देखील 46 हजारांपेक्षा जास्त आहे. असे असले तरीही रेकॉर्ड हायपेक्षा सोने जवळपास 8000 रुपयांपेक्षा जास्त किमतीने स्वस्त मिळत आहे. कारण गेल्या वर्षी ऑगस्ट महिन्यात MCX वर सोन्याचा दर 56,200 रुपये प्रति तोळाच्या सर्वोच्च पातळीवर होता. गुड रिटर्न आणि बँक बझार या वेबसाइट्सनुसार जाणून घ्या महाराष्ट्रातील विविध शहरातील सोन्याचा दर महाराष्ट्रातील प्रमुख शहरांमधील 24 कॅरेट सोन्याचा दर
    शहर आजचा दर (प्रति तोळा) कालचा दर (प्रति तोळा)
    मुंबई 47820 रुपये 47820 रुपये
    पुणे 49,320 रुपये 49,320 रुपये
    नाशिक 49,320 रुपये 49,320 रुपये
    नागपूर 47820 रुपये 47820 रुपये
    कोल्हापूर  48,220 रुपये  48,220 रुपये
    लातूर  48,220 रुपये  48,220 रुपये
    सांगली  48,220 रुपये  48,220 रुपये
    बारामती  48,220 रुपये  48,220 रुपये
    नांदेड  48,220 रुपये  48,220 रुपये
    जळगाव  48,220 रुपये 4,8220 रुपये
    महाराष्ट्रातील प्रमुख शहरांमधील 22 कॅरेट सोन्याचा दर
    शहर आजचा दर (प्रति तोळा) कालचा दर (प्रति तोळा)
    मुंबई 46820 रुपये 46820 रुपये
    पुणे 46,090 रुपये 46,090 रुपये
    नाशिक 46,090 रुपये 46,090 रुपये
    नागपूर 46820 रुपये 46820 रुपये
    कोल्हापूर 45,920 रुपये 45,920 रुपये
    लातूर 45,920 रुपये 45,920 रुपये
    सांगली  45,920 रुपये  45,920 रुपये
    बारामती  45,920 रुपये  45,920 रुपये
    नांदेड 45,920 रुपये  45,920 रुपये
    जळगाव 45,920 रुपये 4,5920 रुपये
    मिस्ड कॉल देऊन जाणून घ्या सोन्याचा भाव सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता. हे वाचा-दोन हजाराच्या नोटा बाजारात कमी का झाल्या? अखेर खरं कारण समोर सोन्याची शुद्धता कशी तपासायची? तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. 'BIS Care App'द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे.
    Published by:Janhavi Bhatkar
    First published:

    Tags: Gold, Gold and silver, Gold and silver prices today, Gold price, Gold prices today

    पुढील बातम्या