Gold Price : सोन्याच्या दरात आठवडाभरात घसरण, एक तोळे सोनं खरेदीसाठी किती खर्च येईल?

मुंबई, 3 जुलै : भारतीय सराफा बाजारात सोन्याच्या दरात (Gold Price Today) साप्ताहिक वाढ झाली आहे. सोन्याच्या तुलनेत चांदीच्या दरात घट झाली आहे. या व्यापार सप्ताहात सोन्याचा भाव प्रति 10 ग्रॅम 697 रुपयांनी वाढला आहे, तर चांदीचा भाव (Silver Price Today) 3059 रुपये प्रति किलोने घसरला आहे. इंडिया बुलियन अँड ज्वेलर्स असोसिएशन अर्थात IBJA च्या वेबसाइटनुसार, या व्यावसायिक आठवड्याच्या सुरुवातीला (27 जून ते 1 जुलै) 24 कॅरेट सोन्याचा दर 51,094 होता, जो शुक्रवारपर्यंत 51,791 रुपये प्रति 10 ग्रॅम झाला आहे. तर 999 शुद्धतेच्या चांदीची किंमत 60,832 रुपयांवरून 57,773 रुपये प्रति किलोवर आली आहे. IBGA ने जारी केलेल्या किमती वेगवेगळ्या शुद्धतेच्या सोन्याच्या मानक किमतीची माहिती देतात. या सर्व किमती कर आणि मेकिंग चार्जेसच्या आधीच्या आहेत. IBGA द्वारे जारी केलेले दर देशभरात सार्वत्रिक आहेत परंतु किमतींमध्ये GST समाविष्ट नाही. एका माशामुळे मच्छिमाराचं नशीब पालटलं; 3 तास चाललेल्या बोलीनंतर एवढा महाग विकला गेला एक मासा गेल्या एका आठवड्यात सोन्याचे दर किती बदलले? >> 27 जून 2022 - 51,094 रुपये प्रति 10 ग्रॅम >> 28 जून 2022 - 51,029 रुपये प्रति 10 ग्रॅम >> 29 जून 2022- 51,159 रुपये प्रति 10 ग्रॅम >> 30 जून 2022 - 50,863 रुपये प्रति 10 ग्रॅम >> 01 जुलै 2022- रुपये 51,791 प्रति 10 ग्रॅम गेल्या एका आठवड्यात चांदीचा दर किती बदलला? >> 27 जून 2022- 60,832 रुपये प्रति किलो >> 28 जून 2022- 60,518 रुपये प्रति किलो >> 29 जून 2022- रुपये 59,853 प्रति किलो >> 30 जून 2022- रुपये 58,803 प्रति किलो >> 01 जुलै 2022- रुपये 57,773 प्रति किलो Business Idea : 8000 रूपये क्विंटल दर असलेल्या 'या' गव्हाची शेती करा आणि व्हा मालामाल! सोन्यावरील आयात शुल्क वाढले केंद्र सरकारने सोन्यावरील आयात शुल्कात पाच टक्के वाढ केली आहे. आयात शुल्क 7.5% वरून 12.5% ​​करण्यात आले आहे. सरकारने आयात शुल्कात वाढ केल्याने देशातील सोन्याच्या किमती वाढतील. देशातील सोन्याची मागणी कमी करण्यासाठी सरकारने हे पाऊल उचलले आहे. हिरे आणि दागिन्यांची निर्यात 55 टक्क्यांनी वाढली 2021-22 मध्ये हिरे आणि दागिन्यांची निर्यात वाढली आहे आणि मागील आर्थिक वर्षाच्या तुलनेत सुमारे 55 टक्क्यांनी वाढून 39.15 अब्ज डॉलर झाली आहे. जेम्स अँड ज्वेलरी एक्सपोर्ट प्रमोशन कौन्सिल (GJEPC) ने सांगितले की, 2020-21 मध्ये हिरे आणि दागिन्यांची एकूण निर्यात 25.40 अब्ज डॉलर होती.