Home /News /money /

Gold Price Today: सोने-चांदी दर पुन्हा वधारला, इथे तपासा आजचा लेटेस्ट रेट

Gold Price Today: सोने-चांदी दर पुन्हा वधारला, इथे तपासा आजचा लेटेस्ट रेट

आठवड्याच्या पहिल्याच दिवशी आज सोने दरात तेजी पाहायला मिळते आहे. सोने-चांदी दर वधारला आहे.

    नवी दिल्ली, 17 जानेवारी : आठवड्याच्या पहिल्याच दिवशी आज सोने दरात (Gold Price) तेजी पाहायला मिळते आहे. सोने-चांदी दर वधारला आहे. मल्टी कमॉडिटी एक्सचेंजवर सोने दरात 66 रुपयांची वाढ झाली असून चांदीच्या दरात 99 रुपये प्रति किलोग्रॅमची वाढ झाली आहे. MCX वर फेब्रुवारीसाठी 10 ग्रॅम सोन्याचा दर 66 रुपयांच्या वाढीसह 47,844 रुपये झाला आहे. तर चांदीचा भाव मल्टी कमॉडिटी एक्सचेंजवर 98 रुपयांच्या वाढीसह 61701 रुपये प्रति किलोग्रॅम इतका आहे. सराफा बाजारात शुक्रवारी 24 कॅरेट शुद्धतेच्या सोन्याचा दर 4814 रुपये प्रति ग्रॅम होता. तर 22 कॅरेट सोन्याचा दर 4698 रुपये प्रति ग्रॅम होता.

    हे वाचा - Gold Loan पैसे उभारण्याचा सोपा मार्ग; कोणत्या बँकेत किती व्याजदर? चेक करा डिटेल

    एका आठवड्यात सोनं 390 रुपयांनी महागलं - मागील आठवड्यात सोने दरात 390 रुपये प्रति 10 ग्रॅमची वाढ झाली होती. तर चांदीच्या दरात 1508 रुपये प्रति किलोग्रॅमची वाढ झाली होती. इंडिया बुलियन अँड ज्वेलर्स असोसिएशननुसार (IBJA), मागील आठवड्यात सुरुवातीला सोन्याचा भाव 47,627 होता, जो शुक्रवारी वाढून 48,017 रुपये प्रति 10 ग्रॅम झाला. तर चांदीचा भाव 60,351 ने वाढून 61,859 रुपये प्रति किलोग्रॅम झाला. IBJA कडून जारी करण्यात येणाऱ्या किमतीद्वारे वेगवेगळ्या शुद्धतेच्या सोन्याच्या स्टँडर्ड दराची माहिती मिळते. हा दर टॅक्स आणि मेकिंग चार्जच्या आधीचा असतो. IBJA कडून जारी केलेले दर देशभरात सर्वमान्य आहेत. परंतु याच्या किंमतीत GST सामिल नसतो.

    हे वाचा - Gold Price : आठवड्याभरात सोनं महागलं, सोन्यापाठोपाठ चांदीचाही भाव वधारला

    घरबसल्या मिस कॉलद्वारे जाणून घ्या सोन्याचा दर - सोन्याचा दररोजचा दर हा तुम्ही घरबसल्या जाणून घेऊ शकता. सोन्याचे भाव जाणून घ्यायचे असतील तर तुम्ही आपल्या मोबाईलने 8955664433 या नंबरवर मिस्ड कॉल द्या. त्यानंतर लगेच तुम्हाला तुमच्या मोबाईलवर सोन्याच्या किंमतीबद्दल मेसेज येईल. त्यामध्ये तुम्ही सोन्याच्या किंमतीबद्दल सविस्तर माहिती वाचू शकता.
    Published by:Karishma
    First published:

    Tags: Gold and silver, Gold and silver prices today, Gold prices today

    पुढील बातम्या