मोठी बातमी! LPG सिलेंडरच्या होम डिलिव्हरीची संपूर्ण प्रक्रिया 1 नोव्हेंबरपासून बदलणार

नवी दिल्ली, 16 ऑक्टोबर : आता एलपीजी घरगुती गॅसची होम डिलिव्हरीच्या (LPG Cylinder Home Delivery) संपूर्ण प्रणालीमध्ये बदल होणार आहे. 1 नोव्हेंबरपासून घरगुती सिलेंडर्सची चोरी रोखण्यासाठी आणि योग्य ग्राहकाची ओळख होण्यासाठी तेल कंपन्यांकडून नवीन एलपीजी सिलेंडरची सिस्टम लागू केली जाणार आहे. काय आहे ही नवीन प्रणाली आणि कशी होणार तुमच्या घरापर्यंत डिलिव्हरी, याबाबत इथे वाचा सविस्तर-

-या नवीन प्रणालीला DAC असे नाव देण्यात आले आहे, म्हणजेच डिलिव्हरी ऑथेंटिकेशन कोड. आता केवळ सिलेंडर बुक केल्यानंतर तुम्हाला घरपोच डिलिव्हरी मिळणार नाही, तर तुमच्या रजिस्टर्ड फोन क्रमांकावर एक कोड पाठवला जाईल. डिलिव्हरी बॉय तुमच्या सिलेंडरची डिलिव्हरी घेऊन आल्यावर तुम्हाला त्याला कोड सांगावा लागेल. त्यानंतरच तु्म्हाला तुमच्या एलपीजी गॅस सिलेंडरची डिलिव्हरी दिली जाईल.

(हे वाचा-रिलायन्स JIO चा पोस्टपेड प्लस प्लॅन, 300 जीबी डेटासह मोफत मिळतील या सेवा)

-जर एखाद्या ग्राहकाने त्याचा मोबाइल नंबर डिस्ट्रिब्युटरकडे अपडेट केला नसेल, तर डिलिव्हरी बॉयकडे याबाबतचे एक App असेल. ज्या माध्यमातून तुम्ही त्या क्षणीच तुमचा मोबाइल क्रमांक अपडेट करू शकता आणि ज्यानंतर कोड मिळेल.

-ज्या ग्राहकांचा पत्ता किंवा मोबाइल क्रमांक चुकीचा आहे, अशांना समस्या निर्माण होऊ शकते. या कारणांमुळे त्यांच्या एलपीजी गॅस सिलेंडरची डिलिव्हरी थांबवली जाऊ शकते.

#AwaazStory | डोमेस्टिक सिलेंडर की चोरी रोकने और सही कस्टमर की पहचान के लिए LPG सिलेंडर का नया डिलिवरी सिस्टम, जानिए पूरा अपडेट @priyadarshi108 से pic.twitter.com/KDHyfGDCzr

— CNBC-AWAAZ (@CNBC_Awaaz) October 15, 2020

-तेल कंपन्या हा प्रयोग सुरुवातीला 100 स्मार्ट सिटीजमध्ये लागू करणार आहे. त्यानंतर हळूहळू इतर शहरांमध्ये ही प्रणाली लागू केली जाईल. जयपूरमध्ये या प्रणालीचा पायलट प्रोजेक्ट आधीपासूनच सुरू आहे.

(हे वाचा-मोदींनी दिली त्यांच्या संपत्तीबाबतची माहिती, वाचा PM कुठे करतात गुंतवणूक?)

-या प्रयोगात तेल कंपन्या 95 टक्के यशस्वी झाल्या आहेत. ही प्रणाली केवळ घरगुती सिलेंडर्सवर लागू करण्यात येणार आहे, कमर्शिअल सिलेंडर्सवर नाही.