नवी दिल्ली, 24 मार्च : होम पेन्शन रेग्युलेटरी अँड डेव्हलपमेंट ऑथॉरिटीने (PFRDA) पेन्शन फंड मॅनेजर्सना (PFMs) 1 एप्रिल 2021 पासून जादा शुल्क घेण्यास परवानगी दिली आहे. नियामकांनी 2020 मध्ये जारी केलेल्या एका रिक्वेस्ट फॉर प्रपोजल्समध्ये (Request For Proposals) अधिक शुल्क रचनेचा प्रस्ताव दिला होता. हा प्रस्ताव पीएफएमच्या नव्या परवान्यानंतर लागू होणार आहे. एका अधिकाऱ्याने याबाबत सांगितलं, की या नव्या प्रस्तावात पेन्शन क्षेत्रात अधिक शुल्कासह विमा क्षेत्रातील एफडीआय (FDI) 49 टक्क्यांवरुन 74 टक्के करण्यात आला आहे.
शुल्कात वाढ केल्याने बहुतांश पीएफएमएस हे नफ्यात येणार आहेत. विम्यातील नवीन एफडीआय कॅप असलेल्या विदेशी गुंतवणूकदारांकडून ते व्याज मागवू शकतात, कारण हे पेन्शनमधील एफडीआयशी जोडलेले आहे. 23 डिसेंबरला जाहिर झालेल्या आयएफपी नुसार पीएफएमद्वारे व्यवस्थापित मालमत्तेशी जोडल्या गेलेल्या श्रेणीबध्द आधारावर भांडवली मालमत्तेच्या उच्चस्तरासाठी पीएफएम शुल्क कमी केलं जाणार आहे.
10 हजार कोटींपर्यंत कमाल कॅप 0.9 टक्के -
10 हजार कोटी रुपयांसाठी कमाल कॅप 0.9 टक्के निश्चित करण्यात आलं आहे. एयूएमनुसार (AUM) 10,001 ते 50,000 कोटींपर्यंत पीएमएफला 0.06 टक्के शुल्क आकारणीस परवानगी देण्यात आली आहे. एयूएमसह 50,001 ते 1,50,000 कोटींपर्यंत 0.05 टक्के शुल्क आकारणीस परवानगी देण्यात आली आहे. तसंच 1,50,000 कोटींपेक्षा अधिक एयूएमकरिता पीएफएमला 0.03 टक्के शुल्क आकारणी करण्यास परवानगी देण्यात आली आहे.
एनपीएसचे 98 लाख ग्राहक -
जानेवारी 2021 पर्यंत नॅशनल पेन्शन सिस्टमचे (NPS) 98 लाख ग्राहक होते. (अटल पेन्शन योजना आणि एनपीएस लाईट वगळता अन्य नियमांनुसार जे काम करतात) याची एयूएमनुसार आकडेवारी 5.56 लाख कोटी होती. तथापि, एसबीआय म्युचअल फंड प्रायव्हेट लिमिटेड, यूटीआय रिटायरमेंट सोल्यूशन लिमिटेड, एलआयसी पेन्शन फंड लिमिटेड या तीन क्षेत्रातील पीएमएफव्दारे मोठ्या प्रमाणात मालमत्ता व्यवस्थापित केली जाते.
5 पेन्शन फंड मॅनेजर्सला मिळाला परवाना -
याविषयी सविस्तर माहिती असलेल्या एका अधिकाऱ्याने सांगितलं की, नवीन निविदेत एसबीआय पेन्शन फंड प्रायव्हेट लिमिटेड, एलआयसी पेन्शन फंड लिमिटेड, युटीआय रिटायरमेंट सोल्युशन लिमिटेड आणि एचडीएफसी पेन्शन फंड कंपनी यांना पेन्शन फंड मॅनेजर्सचा परवाना मिळाला आहे. तसंच आयसीआयसीआय प्रुडेन्शिअल पेन्शन फंड मॅनेजमेंट कंपनीला नव्या शुल्क कॅप्स अंतर्गत मान्यता देण्यात आली आहे.
केवळ अॅक्सिस अॅसेट मॅनेजमेंट झाले यशस्वी -
कोटक महिंद्रा पेन्शन फंड लिमिटेडच्या बाबतीत जास्त शुल्क आकारण्यास मान्यता देण्याकरता उशीर झाल्याने आदित्य बिर्ला सन लाईफ पेन्शन मॅनेजमेंट लिमिटेडने 50,000 कोटींची अट पूर्ण केली नसून, जास्त शुल्क आकारणीस अनुमोदन दिलं आहे. अॅक्सिस असेट मॅनेजमेंट कंपनी, डिएसपी इनव्हेस्टमेंट मॅनेजर्स आणि टाटा अॅसेट मॅनेजमेंट कंपनी या तीन नव्या कंपन्यांनी आगामी कालावधीकरिता पीएफएम परवान्यासाठी अर्ज केला होता. त्यात केवळ अॅक्सिस अॅसेट मॅनेजमेंट कंपनी यशस्वी झाली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Money, Pension funds, Pension scheme, Pf, PF Amount