नोकरदार वर्गासाठी खूशखबर! मोबाइलवर मिळणार EPFOची ही सुविधा

नवी दिल्ली, 08 मार्च : कर्मचारी भविष्यनिर्वाह निधी संघटनेने (EPFO- Employee Provident Fund Organization) अशी माहिती दिली आहे की, आता पेंशन पेमेंट ऑर्डर (PPO) आणि युनिव्हर्सल अकाउंट नंबर (UAN) आता सरकारी e-Locker सर्व्हिस डिजीलॉकरमध्येही उपलब्ध होणार आहे. EPFO ने ट्वीट करून ही माहिती दिली आहे. या सुविधेमुळे EPFO धारक आता UAN आणि PPO डिजीलॉकरच्या माध्यमातून डाउनलोड करू शकतात. त्यामुळे लाखो पेंशनधारकांना आणि पीएफ मेंबर्सना कमी वेळेत डॉक्युमेंट डाउनलोड करणं शक्य आहे.

PPOs and UAN cards is now available on #Digilocker#EPFO pic.twitter.com/VGEgVr4MxA

— EPFO (@socialepfo) March 3, 2020

UAN आणि PPO काय आहे?

पगारधारक कर्मचाऱ्यांसाठी UAN अत्यंत आवश्यक आहे. त्याच माध्यमातून कर्मचाऱ्यांना EPF अकाउंट ट्रॅक करता येतं. त्याचप्रमाणे PPO 12 आकडी युनिक नंबर आहे, ज्यामुळे पेंशनधारकांना पेंशन मिळवण्याची प्रक्रिया सोपी होती. पेंशनधारकांना दरवर्षी जीवन प्रमाणपत्र जमा करताना PPO नंबरची आवश्यकता असते.

डिजीलॉकर काय आहे?

डिजीलॉकर केंद्र सरकारचं एक अ‍ॅप आहे. ज्यामध्ये तुम्ही तुमच्या दस्ताऐवजांची स्कॅन कॉपी स्टोअर करून ठेवू शकता. ज्यामुळे तुम्हाला हवं तेव्हा हे दस्ताऐवज मिळू शकतात. या अ‍ॅपवर अकाउंट उघडण्यासाठी 12 अंकी आधार नंबर देणे आवश्यक आहे.

‘डिजीलॉकर’वर कसं अक्सेस कराल UAN आणि PPO?

-सर्वप्रथम https://digilocker.gov.in/ या वेबसाइटवर जावं लागेल.

-त्यानंतर Sign In वर क्लिक करा.

-त्यानंतर तुम्हाला आधार नंबर आणि यूजरनेम टाकावं लागेल.

-आधार नंबर दिल्यानंतर तुमच्या रजिस्टर्ड मोबाइल नंबरवर ओटीपी येईल. या ओटीपी दिल्यानंतर सबमिट बटणावर क्लिक करा

-त्यानंतर 'Issued Documents' च्या पर्यायावर क्लिक करा.

(हे वाचा- पोस्टाची विशेष योजना, 100 रुपयांच्या गुंतवणुकीतून होणार मोठा फायदा)

-यानंतर एक नवीन पेज ओपन होईल. त्यामध्ये दिसणाऱ्या 'Get more issued documents'वर क्लिक करा.

-'Central Government' टॅबखाली 'Employees Provident Fund Organization' वर क्लिक करा.

-नवीन पेज ओपन झाल्यानंतर UAN पर्यायावर क्लिक करा आणि त्याठिकाणी UAN नंबर टाका. त्यानंतर 'Get Document' वर क्लिक करा.

-असं केल्यानंतर तुमचा डेटा 'Issued Documents' मध्ये सेव्ह होईल. याठिकाणाहून तुम्ही UAN कार्ड डाउनलोड करु शकता.