इतिहासात पहिल्यांदाच 'अक्षय्य तृतीया आणि सोनं खरेदी' हे समीकरण बिघडणार

इतिहासात पहिल्यांदाच 'अक्षय्य तृतीया आणि सोनं खरेदी' हे समीकरण बिघडणार

कोरोना व्हायरसमुळे (Coronavirus) देशातील सराफा बाजार बंद आहे. याचा परिणाम साडेतीन मुहूर्तांपैकी एक मानला जाणारा अक्षय्य तृतीया सणावर होणार आहे.

  • Share this:

पुणे, 25 एप्रिल: कोरोना व्हायरसमुळे (Coronavirus) देशातील सराफा बाजार बंद आहे. याचा परिणाम साडेतीन मुहूर्तांपैकी एक मानला जाणारा अक्षय्य तृतीया सणावर होणार आहे. इतिहासात पहिल्यांदाच अक्षय्य तृतीया हा सण सोने खरेदीशिवाय साजरा होणार आहे.

लॉकडाऊनमुळे बाजारपेठेतील दुकाने बंद आहेत. त्यामुळे दुकानात जाऊन सोने खरेदी शक्य नाही. त्याचबरोबर रविवार आल्याने शेअर मार्केट आणि बँका बंद आहेत. त्यामुळे ईगोल्ड, dmat हे पर्यायही कुचकामी ठरले आहेत. थोडक्यात इतिहासात पहिल्यांदाच अक्षय्य तृतीया आणि सोनं खरेदी हे समीकरण तुटणार आहे. अर्थात लॉकडाऊन संपलं की सोने खरेदी करता येईल, असं जाणकार सांगत आहेत.

हेही वाचा...सोनं घेणं आवाक्याबाहेर होणार; येत्या काळात 80 हजार होण्याची शक्यता, हे आहे कारण

घरबसल्या खरेदी करा सोनं, हे ज्वेलर्स देत आहेत खास ऑफर...

दरम्यान, दरवर्षी अक्षय तृतीयेदिवशी सोन्याच्या दागिन्यांची विक्री मोठ्या प्रमाणात होते. त्यामध्ये यावर्षी घट होणार असल्याने सोने व्यापाऱ्यांमध्ये चिंतेचं वातावरण आहे. कारण, लॉकडाऊनमुळे बाजारपेठेतील दुकाने बंद आहेत. तरी सुद्धा सोन्याच्या दागिन्यांची विक्री व्हावी याकरता या सराफांकडून विविध उपाय राबवले जात आहे. काही वेगवेगळ्या ऑफर्स सोने व्यापाऱ्यांकडून देण्यात आल्या आहेत.

ऑल इंडिया जेम अँड ज्वेलरी डोमेस्टिक काउन्सिलचे चेअरमन अनंत पद्मनाभन यांनी दिलेल्या माहितीनुसार देशभरात कोव्हिड 19 (COVID-19)मुळे सोन्याची सर्व दुकानं बंद आहेत. मात्र काही ज्वेलर्स वैयक्तिक पातळीवर ऑफर्स देऊन ग्राहकांना आकर्षित करण्याचा प्रयत्न करत आहेत. जस की, 'आता बुक करायचं आणि पैसे भरायचे आणि लॉकडाऊन संपल्यानंतर सोन्याची डिलिव्हरी मिळणार', अशा पद्धतीच्या ऑफर्स अनेक ज्वेलर्सनी देऊ केल्या आहेत. या ऑफर्सना ग्राहक काय प्रतिसाद देतात हे पाहणं महत्त्वाचं ठरेल.

हेही वाचा.. स्वस्त सोने खरेदी करण्याचा शेवटचा दिवस,जाणून घ्या मोदी सरकारची ही फायदेशीर योजना

ई-मेल किंवा व्हॉट्सअ‍ॅपवरून होणार सोन्याची विक्री

कल्याण ज्वेलर्सचे अध्यक्ष टी.एस. कल्याणरमन यांनी दिलेल्या माहितीनुसार त्यांचे ग्राहक लॉकडाऊनच्या काळातही अक्षय तृतीयेदिवशी सोन्याची खरेदी करू इच्छितात. ते म्हणाले की दरवर्षी या दिवशी स्टोअरमध्ये सर्वाधिक गर्दी असते. पण यावर्षी लॉकडाऊनमुळे दुकानं बंद असल्याने ग्राहकांच्या सोयीसाठी गोल्ड ओनरशिप सर्टिफिकेट पर्याय त्यांनी उपलब्ध केला आहे. या सर्टिफिकेटची खरेदी त्यांच्या वेबसाइटवरून करता येईल. अक्षय तृतीये दिवशी हे प्रमाणपत्र ग्राहकांना ई-मेल किंवा व्हॉट्सअ‍ॅपवरून पाठवण्यात येईल. जेणेकरून अक्षय तृतीये दिवशी सोनं खरेदी करण्याची परंपरा कायम राहील.

सेनको गोल्ड अँड डायमंडचे कार्यकारी संचालक सुवनकर सेन यांनी दिलेल्या माहितीनुसार ग्राहक सांकेतिक खरेदी करू शकतात. याकरका आम्ही ऑनलाइन खरेदीचा पर्याय ग्राहकांसमोर ठेवला आहे.

हेही वाचा.. सरकारी कर्मचाऱ्यांना कोरोनाचा सर्वात मोठा फटका, मिळणार नाही वाढीव महागाई भत्ता

तनिष्कची खास ऑफर

लॉकडाऊनमुळे शोरूम बंद असल्यामुळे टाटांचा ज्वेलरी ब्रँड तनिष्कने सुद्धा सोन्याच्या दागिन्यांच्या ऑनलाइन विक्रीवर भर दिला आहे. कंपनीच्या ई-कॉमर्स वेबसाइटवर 18 एप्रिल ते 27 एप्रिलपर्यंत अक्षय तृतीयेसाठी खास विक्री सुरू आहे. www.tanishq.co.in वर जाऊन तुम्ही खरेदी करू शकता. यावर खरेदी केलेली ज्वेलरी लॉकडाऊन संपल्यानंतर तुम्ही स्टोअरमध्ये जाऊन किंवा घरी डिलिव्हरी मागून ताब्यात घेऊ शकता.

संपादन- संदीप पारोळेकर

First published: April 25, 2020, 7:11 PM IST

ताज्या बातम्या