ब्लॅक मनी, बेहिशेबी संपत्तीबाबत तक्रार करा; सरकारकडून 5 कोटी रुपये मिळवा

ब्लॅक मनी, बेहिशेबी संपत्तीबाबत तक्रार करा; सरकारकडून 5 कोटी रुपये मिळवा

यासाठी तुम्हाला कोणत्याही सरकारी कार्यालयात जाण्याची गरज नाही अगदी घरबसल्या तुम्ही ही तक्रार नोंदवू शकता.

  • Share this:

नवी दिल्ली, 13 जानेवारी : जर तुमच्याकडे एखादी व्यक्ती किंवा कंपनीचं काळ धन, अवैध किंवा बेहिशेबी संपत्ती (Benami Properties) किंवा कर चुकवेगिरीबाबत (tax evasion) माहिती असेल तर याची तक्रार सरकारकडे करा. या बदल्यात सरकार तुम्हाला 5 कोटी रुपयांपर्यंत बक्षीस देणार आहे. यासाठी तुम्हाला कोणत्याही सरकारी कार्यालयात जाण्याची गरज नाही. तर अगदी घरबसल्या तुम्ही ऑनलाइन तक्रार नोंदवू शकता.

अवैध किंवा बेहिशेबी संपत्ती आणि कर चुकवेगिरीबाबत तक्रार नोंदवण्यासाठी आयकर विभागानं ऑनलाइन सुविधा उपलब्ध करून दिली आहे. सीबीडीटीनं मंगळवारी याची माहिती दिली आहे. ई-फायलिंग पोर्टल https://www.incometaxindiaefiling.gov.in वर Submit Tax Evasion Petition or Benami Property holding ही स्वतंत्र लिंक देण्यात आली आहे, जिथं तुम्ही तक्रार नोंदवू शकता.

Income tax Act 1961, Black Money (Undisclosed Foreign Assets and Income) Imposition of Tax Act 1961 आणि  Prevention of Benami Transactions Act (as amended) या तीन कायद्याचं उल्लंघन झाल्याची तुम्ही तक्रार नोंदवू शकतात.

तुमच्याकडे पॅन कार्ड, आधार कार्ड नंबर असो किंवा नसो तुम्ही इथं तक्रार करू शकता. ही प्रक्रिया ओटीपीवर आधारित आहे. तक्रार नोंदवल्यानंतर तुम्हाला एक नंबर मिळेल. त्यामुळे तुम्ही केलेल्या तक्रारीचं पुढे काय झालं ते तुम्ही पाहू शकता, त्याची माहिती तुम्हाला मिळत राहिल.

हे वाचा - अचानक गॅस संपल्यास नो टेन्शन; फक्त 30 मिनिटांत तुमच्या घरात येणार LPG cylinder

दैनिक जागरणच्या वृत्तानुसार सध्याच्या योजनेनुसार बेहिशेबी संपत्तीची माहिती देणाऱ्या एक कोटी रुपये आणि परदेशात काळं धन तसंच करचुकवेगिरीची तक्रार देणाऱ्याला काही अटींसह पाच कोटी रुपयांपर्यंत बक्षीस दिलं जातं.

Published by: Priya Lad
First published: January 13, 2021, 9:55 PM IST
Tags: Income tax

ताज्या बातम्या

corona virus btn
corona virus btn
Loading