Pizza पासून Vaccine पर्यंत, ड्रोनद्वारे होणार डिलिव्हरी; स्विगीसह 20 कंपन्यांना हा प्रयोग करण्याची अनुमती

नवी दिल्ली, 09 जानेवारी: तंत्रज्ञानामध्ये होणारी प्रगती आणि सध्याची गरज पाहता तो दिवस फारच दूर नाही जेव्हा महत्वाच्या वस्तू ड्रोनद्वारे काही मैलांच्या अंतरावर पोहोचवता येतील. येणाऱ्या काळात पिझ्झा (Pizza) पासून लशीपर्यंत (Vaccine) ची डिलिव्हरी ड्रोनच्या माध्यमातून केली जाऊ शकते. याकरता नागरी उड्डाण मंत्रालयाने आणखी 7 कंपन्यांना दीर्घ कालीन ड्रोन उड्डाणांचा प्रयोग करण्याची परवानगी दिली आहे. Skylark बरोबर स्विगी हा प्रयोग करत आहे. या सुविधेची सुरुवात झाल्यास वेळेची बचत होईल आणि लोकांनाही सुविधा मिळेल. मारुती ड्रोनटेक मेडिकल सप्लायवर काम करत आहे मारुती ड्रोनटेकला BVLOS ची परवानगी मिळाली आहे, ते वैद्यकीय पुरवठा करण्याबाबत तेलंगणा सरकारबरोबर काम करत आहेत. कोविड दरम्यान या कंपनीने अनेक कामे केली आहेत. यांचे सुमारे 52 ड्रोन्स आहेत. मारुती ड्रोनटेक यांनी लस पोहोचवण्यासाठी इच्छा व्यक्त केली आहे. या व्यतिरिक्त AutoMicroUAS, Centillion Networks, Terradrone, Virginatech यांनाही बीव्हीएलओएस परवानगी मिळाली आहे.

#AwaazStory | आने वाले दिनों में #Pizza से लेकर #Vaccine तक की डिलीवरी #drone से हो सकती है। इसके लिए कुछ कंपनियों को @MoCA_GoI से इजाजत दी गई है। पूरी खबर जानिए @rohan18april से | pic.twitter.com/zsGCyugoM0

— CNBC-AWAAZ (@CNBC_Awaaz) January 8, 2021

आतापर्यंत 20 कंपन्यांना मिळाली परवानगी गेल्या वर्षी 13 कंपन्यांना ड्रोनमधून सप्लाय करण्याची परवानगी मिळाली होती. या कंपन्यांपूर्वी स्पाइसजेटची (SpiceJet) डिलिव्हरी विंग असणाऱ्या स्पाइसएक्सप्रेसला (SpiceXpress) डीजीसीएने आधी मान्यता दिली होती. यासह आतापर्यंत एकूण 20 कंपन्यांना अशी परवानगी देण्यात आली आहे. (हे वाचा-LIC ची पॉलिसीधारकांसाठी Good News! बंद पडलेली पॉलिसी पुन्हा सुरू करता येणार) मे मध्ये डायरेक्टरेट जनरल ऑफ सिव्हील एव्हिएशन (डीजीसीए) ने ड्रोनच्या माध्यमातून ई-कॉमर्स पार्सल डिलिव्हरीला स्पाइसजेट कंपनीची मालवाहू युनिट स्पाइसएक्सप्रेसला परवानगी दिली होती. डीजीसीएने दिलेल्या या मंजुरीनंतर आता स्पाइसजेट ड्रोनच्या मदतीने ई-कॉमर्स पार्सल, मेडिकल, फार्मा आणि इतर आवश्यक वस्तू पुरवण्यास सक्षम असेल. दुर्गम भागात या गोष्टी पोहोचवणे शक्य आहे. BVLOS म्हणजे काय? ड्रोन इंडस्ट्रीमध्ये (Drone Industry) BVLOS ची चर्चा असते. जगातील अनेक देश त्यांच्या ड्रोन पॉलिसीमध्ये सुधारणा करत आहेत जेणेकरुन मानव रहित एरिअल व्हेइकल्स (UAV's) जास्तीत जास्त कार्यक्षमतेने उड्डाण करू शकतील. BVLOS फ्लाइट्सना व्हिज्युअल रेंजच्या पलीकडे देखील उडवता येते. यामुळे ड्रोन्सना जास्त अतंरापर्यंत जाण्यास मदत मिळेल. आर्थिकदृष्ट्या देखील ही सुविधा परवडणारी आहे.