राष्ट्रवादीला धक्का देण्यासाठी फडणवीसांचा नवा प्लॅन, जयंत पाटलांविरोधात 'हा' बडा नेता मैदानात?

राष्ट्रवादीचा बालेकिल्ला असणाऱ्या लोकसभेच्या अनेक जागाही भाजपने प्रतिष्ठेच्या केल्या होत्या.

News18 Lokmat | Updated On: Jul 12, 2019 09:17 AM IST

राष्ट्रवादीला धक्का देण्यासाठी फडणवीसांचा नवा प्लॅन, जयंत पाटलांविरोधात 'हा' बडा नेता मैदानात?

सांगली, 12 जुलै : विरोधी पक्षातील मोठ्या नेत्यांची नाकेबंदी करण्याची रणनीती भाजपने लोकसभा निवडणुकीत आखली होती. त्यासाठी राष्ट्रवादीचा बालेकिल्ला असणाऱ्या लोकसभेच्या अनेक जागाही भाजपने प्रतिष्ठेच्या केल्या. आता विधानसभा निवडणुकीतही भाजप याच पॅटर्नचा अवलंब करणार असल्याचं दिसत आहे.

सांगली जिल्ह्याती इस्लामपूर या मतदारसंघावर राष्ट्रवादीचे प्रदेशाध्यक्ष जयंत पाटील यांची चांगली पकड आहे. याच मतदारसंघातून ते आता आमदारही आहेत. पण विधानसभा निवडणुकीत राष्ट्रवादीच्या प्रदेशाध्यक्षांची कोंडी करण्याचा प्रयत्न भाजपकडून केला जाणार आहे.

आक्रमक शेतकरी नेते अशी ओळख असणारे सदाभाऊ खोत हे विधानसभा निवडणुकीतही भाजपसोबतच जाणार, हे आता जवळपास स्पष्ट आहे. त्यामुळे खोत यांच्या रयत क्रांती संघटनेची भाजपसोबत युती होण्याची शक्यता आहे. सदाभाऊ यांनी विधानसभेसाठी भाजपकडे जागांची मागणीही करून टाकली आहे. त्यात त्यांनी जयंत पाटील हे आमदार असलेल्या इस्लामपूर मतदारसंघाचीही जागा आपल्याकडे मागितली आहे. तसंच या जागेवरून मी स्वत: लढण्यासाठी इच्छुक आहे, असंही जाहीरपणे सांगितलं आहे.

राष्ट्रवादीच्या प्रदेशाध्यक्षांची त्यांच्याच मतदारसंघात कोंडी करण्यासाठी मुख्यमंत्री देवेंद्र फडणवीस हे सदाभाऊ खोत यांना इस्लामपूरमधून लढण्यास बळ देऊ शकतात, असा अंदाज राजकीय विश्लेषक व्यक्त करत आहेत. त्यामुळे आगामी काळात नेमक्या काय घडामोडी घडतात, हे पाहणं रंजक ठरणार आहे.

VIDEO: मुख्यमंत्र्यांनी सपत्नीक केली विठ्ठल-रुक्मिणीची शासकीय पूजा

Loading...

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Jul 12, 2019 09:15 AM IST
Loading...

ताज्या बातम्या

Loading...